Top

15

የስልክዎን ባትሪ ለመቆጠብ እንዲህ ቢያደርጉስ

Wednesday 21st of September 2016 08:47:30 AM  |  Fana Technology

 የስልክዎን ባትሪ ለመቆጠብ እንዲህ ቢያደርጉስ

 ዘመናዊ ስልኮችን መገልገል ለተጠቃሚው የተለያዩ አማራጮችን ይፈጥራል።ከኢንተርኔት ጀምሮ የተለያዩ መተግበሪያዎችን በቀላሉ ማግኘትና መጠቀምም ያስችለዋል።

ታዲያ ይህን ሁሉ አገልግሎት ሲሰጡ በአብዛኛው ተጠቃሚ ዘንድ እንደ ችግር የሚነሳው የባትሪያቸው ጉዳይ ነው።አንድም ከአጠቃቀም ጉድለት አንድም ካላቸው መተግበሪያ ብዛት አንጻር ባትሪያቸው ቶሎ ቶሎ ሲያልቅ ይስተዋላል።

በተለይም ስልኩ በያዛቸው አገልግሎቶች እና መተግበሪያዎች ላይ በብዛት የሚጠቀሙ ከሆነ ባትሪው ቶሎ የማለቅ እድሉ ከፍተኛ ነው።የባትሪን እድሜ ለማራዘምና ረዘም ላለ ጊዜ ለመጠቀም ደግሞ የባለሙያዎችን ምክረ ሃሳብ ከዚህ ቀጥሎ ይመልከቱ፤

ስልክዎን ማጥፋት፦ በርካቶች ሊያደርጉት የማይፈቅዱት ነገር ቢኖር ይህን አማራጭ ነው፥ ቢሆንም አስቸኳይ እና አጋጣሚ የሆነ ስራ እና ቀጠሮ ከሌለብዎትና ምናልባትም ወደ መኝታ ሊያመሩ ከሆነ ስልክዎን ያጥፉ።

ይህን ሲያደርጉ ለባትሪው እፎይታን በመስጠት የተሻለ ጊዜ እንዲሰራ ማድረግ ይችላሉ።

የማይጠቀሙባቸውን መተግበሪያዎችን መዝጋት፦ ይህን ማድረግዎ ባትሪው ስልክዎን በሚጠቀሙበት መጠን እንዲሰራ በማድረግ የተሻለ መቆጠብ እና መጠቀም ያስችልወታል።

የስልኩን ንዝረት መቀነስ፦ ስልኩ በሚጠራ ጊዜ ያለው ንዝረት ከፍተኛ መጠን ያለው ሃይል ይጠቀማል፤ ይህ ደግሞ የስልኩን ባትሪ ቶሎ እንዲያልቅ ያደርገዋል።

እናም ንዝረቱን መቀነስ ከተቻለም ማጥፋት መልካም ነው ይላሉ ባለሙያዎቹ።

የስክሪኑን የብርሃን መጠን መቀነስ፦ የስልኩ የብርሃን መጠን ከፍተኛ ሲሆን ባትሪው ቶሎ እንዲያልቅ ያደርገዋልና በተቻለ መጠን የስልኩን ስክሪን ብርሃን መጠን (screen brightness) መቀነስዎን አይዘንጉ።

ብሉቱዝ እና ዋይፋይ መዝጋት፦ የስልኩን ብሉቱዝ መዝጋት ስልኩ በአቅራቢያው ካሉና ብሉቱዛቸወን ከከፈቱ ስልኮች ጋር ሲገናኝ ባትሪውን በብዛት ስለሚጠቀም ቶሎ የመጨረስ እድሉ ከፍተኛ ነው።

ከዚህ ባለፈም ገመድ አልባ ኢንተርኔት (ዋይ ፋይ) በሌለበት ቦታ ኔትዎርኩን መዝጋት ስልኩ ኔት ዎርክ ፍለጋ የሚያጠፋውን ባትሪ እንዲቀንስ ያስችለዋል።

ኢንተርኔቱን ማጥፋት፦ የስልኩ ኢንተርኔት (ሞባይል ዳታ) ክፍት ከሆነ ኢንተርኔት በሚጠቀም ጊዜ ብዙ ባትሪ ስለሚወስድ ኢንተርኔቱን ቢያጠፉ ይመከራል።

ስልኩን ለመነጋገሪያ ብቻ ቢጠቀሙበት፦ በስልክዎ ፊልሞችን መመልከትና የተለያዩ ጨዋታዎችን (ጌም) መጫዎት ለባትሪ እድሜ ጠር ነውና ያነን ያስወግዱ።

ጂ ፒ ኤስን፣ ማሳወቂያዎችን ማጥፋት እና ስክሪኑ የሚቆለፍበትን ጊዜ አጭር ማድረግም ሌላው የሚመከር መፍትሄ ነው።

ከዚህ ባለፈም በትክክለኛውና አግባብ በሆነ ቻርጀር መጠቀም እንዲሁም ከፍተኛ ሙቀት ካለበት ቦታ ስልክን ማስወገድ መልካም ነው።

ምናልባትም የሚጠቀሙባቸው መተግበሪያዎች ካሉ የተሻሻሉትን በየጊዜው መጫንና አቅማቸውን ማሳደግም ለባትሪ እድሜ መርዘም እንደሚረዳ የዘርፉ ባለሙያዎች ይመክራሉ።


ምንጭ፦ www.digitaltrends.com/

                   


Save for Later/ በኋላ ለማንበብ ያስቀምጡ
   
Up vote :15     Down vote :0     Ajeb vote :15





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.