Top

15

ብላክቤሪ የስማርት ስልክ ቁሳቁሶችን መስራት ማቆሙን ገለፀ

Thursday 29th of September 2016 12:27:31 PM  |  Fana Technology

 ብላክቤሪ የስማርት ስልክ ቁሳቁሶችን መስራት ማቆሙን ገለፀ

ብላክቤሪ ከ14 አመት በኋላ የስማርት ስልክ ቁሳቁሶችን መስራት ማቆሙን አስታወቀ።

ኩባንያው የተሻለ ትርፋማ ወዳደረገው የሶፍትዌር ልማት ላይ ለማተኮር ነው የስማርት ስልኮች ስራውን ለሌሎች አጋር ድርጅቶች ሰጥቶ ሊያሰራ መሆኑን የገለጸው።

ለዚህም ከኢንዶኒዥያው ቢቢ ሜራህ ፑቲህ ጋር በጃካርታ አዳዲስ ስልኮችን እንዲያመርት፣ እንዲያከፋፍል እና እንዲያስተወውቅ ስምምነት ላይ መደረሱን የኩባንያው ስራ አስፈፃሚ ጆን ቸን ተናግረዋል።

በአንድ ወቅት በስማርት ስልክ ገበያው ነግሶ የነበረው ብላክቤሪ ከተቀናቃኞቹ አፕል እና ሳምሰንግ ጋር ለመፎካከር ቢጥርም እምብዛም የተሳካለት አይመስልም።

ኩባንያው አሁንም ከስማርት ስልኮች ገበያ አልወጣም፤ አዳዲስ ስማርት ስልኮችንም እየሰራሁ ነው በቅርቡ ይፋ አድርጋለሁ ብሎ ነበር።

የኩባንያው ስራ አስፈጻሚ ግን ኩባንያው የስማርት ስልኮችን አካላት ማምረት ለሌሎች አጋሮቹ መስጠቱን ከመግለፅ ውጭ አዳዲስ ስማርት ስልኮቹ መቼ ለገበያ እንደሚያቀርቡ ይፋ አላደረጉም።

ብላክቤሪ በ2016 ሁለተኛ ሩብ አመት 400 ሺህ ስማርት ስልኮችን ሸጧል፤ ይህም ከቀደሙት ሶስት ወራት ያነሰ ነው።

ኩባንያው ከስማርት ስልክ ገበያው ሊወጣ እንደሚችል የገለጸ ሲሆን፥ የኩባንያውን ብራንድ ተጠቅሞ ማምረት የሚፈልግ ድርጅት ቢኖርም የሚገጥመው ችግር ተመሳሳይ ነው ብሏል።

ከሶፍትዌር እና የተለያዩ አገልግሎቶች ደግሞ ከመጀመሪያው ሩብ አመት 10 ሚሊየን ዶላር ያነሰ 156 ሚሊየን ዶላር ገቢ አስገብቷል።

 ምንጭ፦ ሬውተርስ

 

 


                   


Save for Later/ በኋላ ለማንበብ ያስቀምጡ
   
Up vote :15     Down vote :0     Ajeb vote :15





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.