Top

15

ፌስቡክ ሩሲያ የተሳሳቱ መረጃዎች እንዲሰራጩ የገንዘብ ድጋፍ እንደምታደርግ ደርሼበታለው አለ

Thursday 7th of September 2017 07:30:11 AM  |  Fana Technology

ፌስቡክ ሩሲያ የተሳሳቱ መረጃዎች እንዲሰራጩ የገንዘብ ድጋፍ እንደምታደርግ ደርሼበታለው አለ

አዲስ አበባ፣ ጳጉሜን 2፣ 2009 (ኤፍ.ቢ.ሲ) ግዙፉ የማህበራዊ ትስስር ድረ ገጽ ፌስቡክ ሩሲያ የገንበዝ ድጋፍ እያደረገች ሰዎችን የሚከፋፍሉ የማህበራዊ እና የፖለቲካ ይዘት ያላቸው መልእክቶቹን በኔትዎርኩ ላይ እንዲሰራጭ ስታደረግ መቆየቷን ደርሼበታለው አለ።

እንደ ኩባንያው ገለጻ፥ በሁለት ዓመታት ውስጥ ለዚህ ዓላማ የሚውል 3 ሺህ ማስታወቂያዎች የተለቀቁ ሲሆን፥ እስከ ባለፈው ግንቦት ወር ለቆየው ዘመቻም 100 ሺህ የአሜሪካ ዶላር ወጪ ተደርጓል።

ማስታወቂያዎቹ በፖለቲካ ውስጥ ያሉ ታዋቂ ግለሰቦችን በግል የማይደግፉ ሲሆን፥ ሆኖም ግን ስደተኝነት፣ ዘር እና በእኩልነት መብት ላይ ያነጣጠሩ ናቸው ተብሏል።

ፌስቡክ በጉዳዩ ዙሪያ ከአሜሪካ የምርመራ ቢሮ ሰራተኞች ጋር ሲሰራ መቆየቱንም አስታውቋል።

ኩባንያው ያገኛቸውን ማስረጃዎቸም የአሜሪካ ልዩ አቃቤ ህግ ለሆኑት ሮበርት ሙለር ማስረከቡን ያስታወቀ ሲሆን፥ ሮበርት ሙለር የሩሲያን በአሜሪካ ፕሬዚዳንታዊ ምርጫ ጣልቃ ገብነት ጉዳይን በከታተል ላይ የሚገኙ አቃቤ ህግ ናቸው።

በሀሰት መረጃዎች የተሞሉት ማስታወቂያዎቹ 470 የፌስቡክ አድራኛዎቸን በመጠቀም ሲሰራጭ አንደነበር ፌስቡክ አስታውቋል።

ማስታወቂያዎቹ እና የፌስቡክ አድራሻዎቹ ሰዎችን እርስ በእርስ የሚያጋጩ የማህበራዊ እና የፖለቲካ ይዘቶችን ሲያስተጋቡ የቆዩ መሆናቸውን ፌስቡክ በብሎግ ፖስት ገጹ አስታውቋል።

እስካሁን ማረጋገጫ ባይገኝበትም የፌስቡክ አድራሻዎቹ ግን በሩሲያ ሴንት ፒተርስበርግ በሚገኘው የኢንተርኔት የምርምር ኩባንያ ሳይከፈቱ አልቀረም ብሏል።

ሴንት ፒተርስበርግ የሚገኘው የኢንተርኔት የምርምር ቡድን የክሬምሊንን የሚደግፉ እና የሚያሞጋግሱ መልእክቶችን በማህበራዊ ትስስር ድረ ገጾች ላይ በማጋራት ነው የሚታወቀው።

ጉዳያቸው በመጣራት ላይ የሚገኙት የፌስቡክ አድራሻዎቹ በአሁኑ ጊዜ እንዲዘጉ መደረጋቸውንም የፌስቡክ የደህንነት ክፍል ሀላፊ አሌክስ ስታሞስ ተናግረዋል።

ምንጭ፦ www.bbc.com

                   


Save for Later/ በኋላ ለማንበብ ያስቀምጡ
   
Up vote :15     Down vote :0     Ajeb vote :15





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.