Top

15

ጎግል ቀጣዩን የአንድሮይድ ኦፕሬቲንግ ሲስተም “አንድሮየድ P” እየሰራ ነው

Wednesday 6th of September 2017 07:25:25 AM  |  Fana Technology

ጎግል ቀጣዩን የአንድሮይድ ኦፕሬቲንግ ሲስተም “አንድሮየድ P” እየሰራ ነው

አዲስ አበባ፣ ነሃሴ 30፣ 2009 (ኤፍ.ቢ.ሲ) በቅርቡ አዲስ የአንድሮየድ ኦፕሬቲንግ ሲስተም “አንድሮይድ O” ያስተዋወቀው ጎገል፤ ተከታዩን አየሰራ መሆኑ ተነግሯል።

“አንድሮይድ P” የሚል መጠሪያ ያለው አዲሱ መተግበሪያ በጎግል ፒክስል ስማርት ሰልኮች ላይ እየተሞከረ እንደሆነም ታውቋል።

አዲሱ የአንድሮይድ ስሪት አንድሮይድ 9 ነጥብ 0 መሆኑም ተገልጿል።

የአዲሱ “አንድሮይድ P” ኦፕሬቲንግ ሲስተምም በሁለት አይነት የጎግል ፒክስል ስማረት ሰልኮች ላይ የመሞከር ስራ እየተሰራ ነው ተብሏል።

እንደ አውሮፓውያኑ አቆጣጠር በቀጣዩ 2018 በሀምሌ ወይም በነሃሴ ወር ተጠቃሚዎች ዘንድ መድረስ አንደሚጀምርም ታውቋል።

ኩባንያው ከ15 ቀናት በፊት አዲሱን አንድሮይድ 8.0 “ኦሬኦ” የሚል መጠሪያ የተሰጠውን የአንድሮይድ ኦፕሬቲንግ ሲስተም ይፋ ማድረጉ ይታወሳል።

የጎግል አንድሮይድ ኦሬኦ ኦፕሬቲንግ ሲስተም በአንድ ስክሪን ላይ የተለያዩ ቪዲዮዎችን በአንድ ጊዜ መመልከተን ጨምሮ በርካታ አዳዲስ ይዘቶችን አካቷል።

በአንድሮይድ ኦሬኦ ላይ የተካተቱ አዳዲስ አገልግሎቶችም “ስማርት ኮፒ ፔስት (smart copy-and-paste)" ይህ አገልግሎት በስልካችን ላይ ያሉ የስልክ አድራሻዎችን ጨምሮ ሌሎች ነገሮችን በቀላሉ ኮፒ በማድረግ ሌላ ቦታ ላይ ለማስቀመጥ የሚያስችለን ነው።

አዲሱ ኦፕሬቲንግ ሲስተም መተግበሪያዎች የሚጠቀሙትን እንደ የሜሞሪ ስፍራ፣ ባትሪ እና የኢንተርኔት ዳታን ለመወሰን እና ለመገደብም ያችስለናል።

ምንጭ፦ fossbytes.com

                   


Save for Later/ በኋላ ለማንበብ ያስቀምጡ
   
Up vote :15     Down vote :0     Ajeb vote :15





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.