Top

15

ጃፓን በፈረንጆቹ 2025 ያለ ካፒቴን የሚቀዝፉ መርከቦችን ልታስተዋውቅ ነው

Monday 12th of June 2017 07:05:10 AM  |  Fana Technology

ጃፓን በፈረንጆቹ 2025 ያለ ካፒቴን የሚቀዝፉ መርከቦችን ልታስተዋውቅ ነው

አዲስ አበባ ፣ ሰኔ 6 ፣ 2009 (ኤፍ ቢ ሲ) ጃፓናውያን ያለ ካፒቴን ባህር ላይ የሚቀዝፉ መርከቦችን እየሰሩ ነው።

በፈረንጆቹ 2025 ተግባራዊ ይሆናል የተባለው ይህ ቴክኖሎጅ፥ ለጭነት አገልግሎት የሚውሉ መርከቦችን ያለ ካፒቴን በባህር ላይ አገልግሎት እንዲሰጡ ለማድረግ ያለመ ነው ተብሏል።

ለዚህም ሁለት የጃፓን የመርከብ ድርጅቶች ከሃገሪቱ የባህር ትራንስፖርት ተቋም ጋር በጥምረት እየሰሩ ነው።

ኩባንያዎቹ ከሰባት አመት በኋላ 250 ያለ ሰው እገዛ ባህር ላይ መቅዘፍ የሚችሉ የጭነት አገልግሎት የሚሰጡ መርከቦችን ያቀርባሉ ነው የተባለው።

ዘመናዊዎቹ መርከቦች ደህንነታቸው የተጠበቀና ከአደጋ ስጋት ነጻ ይሆኑ ዘንድ የሚያስችል ቴክኖሎጅም ይገጠምላቸዋል።

ቴክኖሎጅው መርከቦቹ በጉዞ ወቅት የሚያጋጥማቸውን ማንኛውም አይነት አደጋ የሚተነብይ ነው።

ይህም በእንቅስቃሴ ወቅት ሊከሰት የሚችልን አደጋ ለመቀነስ ያግዛል።

ፕሮጀክቱ በመቶ ሚሊየን የአሜሪካ ዶላር ወጪ እንደሚጠይቅም ተገልጿል።

አሁን ላይ ታዲያ ከኩባንያዎቹ በተጓዳኝ የሃገሪቱ የባህር ትራንስፖርት ተቋም ሊከሰቱ የሚችሉ አደጋዎችን ለመቀነስ ያስችላል ያለውን ቴክኖሎጅ እየሰራ ነው።

በተባለው ወቅት ስሪታቸው ተጠናቆ ወደ ስራ የሚሰማሩት የጭነት አገልግሎት የሚሰጡ መርከቦች እንቅስቃሴያቸው በርቀት መቆጣጠሪያ መሳሪያ አማካኝነት ቁጥጥር ይደረግበታል።

ከዚህ ባለፈ ግን አንዳንድ የመርከቡን እንቅስቃሴ የሚመሩና የሚቆጣጠሩ የተወሰነ የሰው ሃይል ይኖራልም ተብሏል።

ምናልባት አደገኛ ሁኔታ ቢያጋጥምና መርከቧ አደጋ ቢጋረጥባት፥ ሃላፊነቱን የሚወጣ የመርከብ ካፒቴንም በጉዞ ወቅት አብሮ ይጓዛል።

የእንግሊዙ ቅንጡ መኪና አምራች ሮልስ ሮይስ በፈረንጆቹ 2020 በርቀት መቆጣጠሪያ መሳሪያ ያለ ካፒቴን ባህር ላይ የሚቀዝፉ መርከቦችን የመስራት እቅድ እንዳለው መግለጹ ይታወሳል።

 

 

 

ምንጭ፦ ቢቢሲ

                   


Save for Later/ በኋላ ለማንበብ ያስቀምጡ
   
Up vote :15     Down vote :0     Ajeb vote :15





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.