Top

15

የኡበር መስራችና አለቃ ለተወሰነ ጊዜ ከሃላፊነት መልቀቃቸውን አስታወቁ

Wednesday 14th of June 2017 07:05:14 AM  |  Fana Technology

የኡበር መስራችና አለቃ ለተወሰነ ጊዜ ከሃላፊነት መልቀቃቸውን አስታወቁ

አዲስ አበባ ፣ ሰኔ 7 ፣ 2009 (ኤፍ ቢ ሲ) ከ660 በላይ በሆኑ ትልልቅ ከተሞች የታክሲ አገልግሎት የሚሰጠው ኡበር ኩባንያ መስራችና አለቃ ለተወሰነ ጊዜ ከስራቸው ገለል ብለው ለመቆየት ማሰባቸውን ይፋ አድርገዋል።

ቢሊየነሩ ትራቪስ ካላኒክ ከኩባንያው ሃላፊነት ለተወሰነ ጊዜም ቢሆን ዞር በማለት ከሃላፊነት ውጭ የሆነ ጊዜ ለማሳላፍ ማቀዳቸውን ነው ያስታወቁት።

የቢሊየነሩ ከስራ ዞር የማለት ውሳኔ በኩባንያው ባለው የስራ ባህልና አሰራር ላይ እየቀረበ ያለው ወቀሳ መታየት ከጀመረ በኋላ የመጣ ነው።

የኩባንያው የቦርድ አባላትም በተቋሙ ሴት ሰራተኞች ላይ ይፈጸማል የተባለው ጾታዊ ትንኮሳ እና አድሏዊ አሰራር የተመለከተው ሪፖርት እንዲጣራ ወስነዋል።

ይህ በሆነበት ሰዓትም የኩባንያው መስራች ለተወሰነ ጊዜም ቢሆን ከሃላፊነት ዞር እላለሁ በማለት ለሰራተኞች በኢሜል ይፋ አድርገዋል።

በኢሜል መልዕክቱ ቢሊየነሩ ለምን ያክል ጊዜ ከስራ እና ሃላፊነታቸው ተገለው እንደሚቆዩ ግን የተገለጸ ነገር የለም።

ቢሊየነሩ እዚህ ውሳኔ ላይ የደረሱት የአመራር ዘይቤያቸውን ለማሻሻል በማለም ስለመሆኑም እየተነገረ ነው።

ከእርሳቸው ከስራ የመገለል ውሳኔ ቀደም ብሎ በኩባንያው የተለያዩ ከፍተኛ የስራ ሃላፊነት ላይ የነበሩ ሰዎችም ለቀዋል።

ኩባንያው ባለፈው ሳምንት ከጾታዊ ትንኮሳና ተያያዥ ጉዳዮች ጋር በተያያዘ 20 ሰራተኞችን ማባራሩ የሚታወስ ነው።

በኩባንያው ተቀጥረው ይሰሩ የነበሩ የቀድሞ ሴት ሰራተኞች በባልደረቦቻቸው የስራ አድሎ እና ጾታዊ ትንኮሳ ይፈጸምባቸው እንደነበር ገልጸዋል።

በዚህም ኩባንያው ላይ ክስ የመሰረቱ ሲሆን፥ ይህ ክስ አሁን ላይ እየተጣራ ይገኛል።

ኩባንያው ከዚህ ባለፈም ከባለቤትነት መብት ጋር በተያያዘ ተደጋጋሚ ቅሬታዊች ቀርበውበታል።

በተለያዩ ከተሞች ላሰማራቸው አሽከርካሪ አልባ ታክሲዎቹ የተጠቀማቸው ቴክኖሎጅዎቹ ከሌሎች ኩባንያዎቹ የተወሰዱ ናቸው በሚል ነው ቅሬታ የቀረበበት።

በተያያዘም በአስቸጋሪው የክረምት ወቅት ሰራተኞቹ እንዲሰሩ በማድረግ ገንዘብ ያጋብሳል በሚልም ይታማል።

 

 

 

 

 

ምንጭ፦ ቢቢሲ

                   


Save for Later/ በኋላ ለማንበብ ያስቀምጡ
   
Up vote :15     Down vote :0     Ajeb vote :15





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.