Top

15

የሩሲያው የሳይበር ደህንነት ተቋም ህብረቱ በማይክሮሶፍት ላይ ምርመራ እንዲያካሂድ ጠየቀ

Thursday 8th of June 2017 07:40:06 AM  |  Fana Technology

የሩሲያው የሳይበር ደህንነት ተቋም ህብረቱ በማይክሮሶፍት ላይ ምርመራ እንዲያካሂድ ጠየቀ

አዲስ አበባ፣ ሰኔ 1፣ 2009 (ኤፍ.ቢ.ሲ) የሩሲያው የሳይበር ደህንነት እና አንቲ-ቫይረስ አልሚው ካስፐርስኪ የአውሮፓ ህብረት በማይክሮሶፍት ኩባንያ ላይ የፀረ-ውድድር ተግባራት ምርመራ እንዲያካሄድለት ቅሬታውን አቀረበ ፡፡

ግዙፉ የሶፍትዌር አምራች ማይክሮሶፍት በገበያው ውስጥ ያለውን ተጽኖ በመጠቀም ጸረ ውድድር ተግባራት እያካሄደ መሆኑን የጠቀሰው ካስፐርስኪ፥ በዊንዶውስ 10 ምርቶቹ ተጠቃሚዎች የራሱን ጸረ ቫይረስ ሶፍትዌር ብቻ እንዲጠቀሙ እያስገደደ ነው ብሏል፡፡

የአውሮፓ ኮሚሽን የካስፐርስኪን አቤቱታ መቀበሉን ቢያረጋግጥም ፥በጉዳዩ ዙሪያ በዝርዝር ያለው ነገር የለም፡፡

ማይክሮሶፍት በበኩሉ የደህንነት መጠበቂያ ገጽታዎቹ “ከንግድ ወድድር ህጎች ጋር የተጣጣሙ ናቸው “ ብሏል፡፡

ባውጣው መግለጫም ፥“ተቆጣጣሪ አካላት ለሚጠይቁት ጥያቄ ምላሽ ለመስጠት ዝግጁ “ መሆኑን ተናግሯል፡፡

ማይክሮሶፍት የመጀመሪያ አላማው የደንበኞቹን ድህንነት ማስጠበቅ እንደሆነ ነው የተናገረው፡፡

ማይክሮሶፍት በአንዳንድ ምርቶቹ ላይ ለውጦች ያካሄደ ሲሆን፥ በኮምፒውተር ዝርዝር ውስጥ ተጠቃሚዎች የሌሎች ሶፍትዌር አምራቾችን ጸረ ቫይረስ ሶፍትዌሮችን እንዳይጠቀሙ ትእዛዞች በማከል ለገበያ አቅርቧል፡፡

ካስፐርስኪ እንደሚለው ፥ እንዲህ ያለው የማይክሮሶፍት ድርጊት ተጠቃሚዎች ዝቅተኛ ደረጃ ያለው ጸረ-ቫይረስ ሶፍትዌር እንዲጠቀሙ እና የመምረጥ መብታቸውን የሚገደብ አሰራር ነው፡፡

ድርጊቱ በተጠቃሚዎች እና በሶፍትዌር አምራቾች ላይ የገንዘብ ኪሳራ የሚያደርስ ነው ብሏል፡፡ 

ካስፐርሰኪ ከዚህ ቀደም ለሩሲያ እና ለጀርመን የጸረ-ውድድር ቁጥጥር አካላት አቅርቦ እንደነበር ቢቢሲ አስታውሷል፡፡

ምንጭ ፦ቢቢሲ

በእስክንድር ከበደ

                   


Save for Later/ በኋላ ለማንበብ ያስቀምጡ
   
Up vote :15     Down vote :0     Ajeb vote :15





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.