Top

15

አፕል አዲሱን አይፎን X ስማርት ስልኩን ይፋ አደረገ

Wednesday 13th of September 2017 08:30:16 AM  |  Fana Technology

አፕል አዲሱን አይፎን X ስማርት ስልኩን ይፋ አደረገ

አዲስ አበባ፣ መስከረም 3፣ 2010 (ኤፍ.ቢ.ሲ) አፕል አዲሱን አይፎን 10 (አይፎን X) የተሰኘውን ስማርት ስልክ ይፋ አድርጓል።

ኩባንያው የመጀመሪያውን የአይፎን ስልክ ከ10 ዓመት በፊት ይፋ ያደረገ ሲሆን፥ እስካሁን በርካታ ስማርት ሰልኮችን ተጠቃሚዎች ዘንድ አድርሷል።

ኩባንያው 10ኛ ዓመቱን ምክንያት በማድረግ ይፋ ያደርጋቸዋል ተብለው ከተጠበቁት ውስጥም አይፎን 10 (iPhone X)ን ዛሬ አስተዋውቋል።

ከዚህ በተጨማሪም በአይፎን ስልክ ወዳጆች ዘንድ በጉጉት ሲጠበቁ የነበሩት አይፎን 8 እና አይፎን 8 ፕላስ አፕል እንደሚለቃቸው ከሚጠበቁ ስልኮች ውስጥ ናቸው ተብሏል።

አይፎን X ስማርት ስልክ ምንም ጠርዝ የሌለው ሲሆን፥ ፊት ማንበብን ጨምሮ አዳዲስ ቴክኖሎጂዎች የተካተቱበት ነው።

በእስካሁን የኩባንያው የስማርት ስልክ ምርት ታሪክ ይህ በጣም በጥራቱ ወደር የለሽ የተባለው ነው።

ስልኩ ከጫፍ እስከ ጫፍ ባለ 5 ነጥብ 8 ኢንች ሙሉ የስክሪን ስፋት ያለው መሆኑም ተነግሯል።

አይፎን X የስልኩ ባለቤቶች በጣት አሻራ ሊከፍቱት የሚችሉበትን መንገድ በፊት ገፅታ እንዲሆን አድርጓል።

በጨለማ የባለቤቶቹን የፊት ገፅታ እንብቦ ራሱን ለአጠቃቀም ምቹ እንዲያደርግም 30 ሺህ ረቂቅ ቀይ ነጠብጣቦች ተሰርተውለታል።

በአፕል የስልክ ሽያጭ ታሪክ እጅግ በጣም ውዱ ስልክ ተብሏል።

መረጃ የመያዝ አቅሙ 64 ጊጋ ባይት ያለው ሞዴልም በመጪው ህዳር ወር ለገበያ ሲቀርብ 999 የአሜሪካ ዶላር ዋጋ ተተምኖለታል።

256 ጊጋ ባይት የመረጃ ቋት ያለው ሞዴል ደግሞ 1 ሺህ 149 የአሜሪካ ዶላር ዋጋ ወጥቶለታል ነው የተባለው።

የአፕል 64 ጊጋ ባይት ሞዴሉ ከሳምሰንግ ኖት 8 ስማርት ስልክ ጋር ሲነፃፀር የ69 ዶላር ዋጋ ብልጫ አለው።

አይፎን X የቀጣይ ትውልዕድ የቴክንሎጂ ምርቶችን ከግምት ውስጥ ባስገባ መልኩ እንዲሰራ በአፕል ብዙ የተለፋበት ነው ተብሏል

አፕል የአሁኑ ስማርት ስልክ ትክክልኛ ጥቁር ቀለምና ተፈጥሯዊ የብርሃን ይዘታቸውን ያላጡ ምስሎችን እንዲያሳይ አድርጎ መስራቱን ጠቁሟል።

ለዚህም OLED [organic light-emitting diode] የተሰኘ የቴክኖሎጂ ማሻሻያን አድርጎለታል።

ይህን የተፈጥሯዊ ቀለሞችን ማስጠበቂያ የብርሃን ሰጪ የቴክኖሎጂ ግብዓት ኤል ጂ እና ሳምሰንግ ተጠቅመውበታል።

አይፎን X ገመድ አልባ በሆነ መንገድ ሃይል መሙላት (ቻርጅ ማድረግ) የሚችል መሆኑም ተነግሯል።

ከአይፎን 7 ስማርት ስልክ ጋር ሲነፃፀርም የባትሪው እድሜ በ2 ሰዓት የተሻለ ሆኖ ቀርቧል።

 

 

 

 

 

 

ምንጭ፦ቢቢሲ

                   


Save for Later/ በኋላ ለማንበብ ያስቀምጡ
   
Up vote :15     Down vote :0     Ajeb vote :15





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.