Top

15

ቻይና በቀጣዩ ዓመት በጨረቃ ላይ ድንች ልታበቅል ነው

Thursday 15th of June 2017 07:05:16 AM  |  Fana Technology

ቻይና በቀጣዩ ዓመት በጨረቃ ላይ ድንች ልታበቅል ነው

አዲስአበባ፣ ሰኔ 7፣ 2009 (ኤፍ.ቢ.ሲ) በህዋ ድንችን አብቅሎ ማሳደግ በማት ዳመን “ዘ ማርሺያን” ሳይንሳዊ ፊልም የተጠነሰሰ ቢሆንም ቻይና ድንችን በጨረቃ ላይ አብቅላ ልታሳድግ ማቀዷን አስታውቃለች።

በ2015 በወጣው “ዘ ማርሺያን (The Martian)” ሳይንሳዊ ፊልም ማት ዳመን የፈጠረው የጠፈር ተመራማሪ ገፀባህሪ በማርስ ለአራት ዓመታት የቆየ ሲሆን፥ በቆየባቸው ዓመታትም ድንችን በፕላኔቷ ላይ እያበቀለ መኖሩን ነው የሚያሳየው።

matt.jpg

የቻይና ዋነኛ ዓላማ በጨረቃ ህይወት ያላቸው አካላትን ስርዓተ ምህዳር ለመፍጠር እንደሆነም ተነግሯል።

የድንቹ ዘር የሚያስፈልገውን ካርቦን ዳይኦክሳይድ ለማግኘትም የሀር ትልን እንደምትጠቀም እና ከድንቹ ደግሞ ኦክሲጅን ለትሉ እንዲደርሰው ለማድረግ ነው ያሰበችው፡፡

በዚህ መልኩ ህይወታቸውን የሚያስቀጥሉ የስርዓተ ምህዳሩ ህይወት ያላቸው አካላት ከሶስት ኪሎ ግራም የማይበልጥ ክብደት ባላት ትንሽ ሳጥን ውስጥ እንደሚቀመጡ ተጠቁሟል፡፡

ይህ እቅድ የተነደፈው በደቡባዊ ቻይና በሚገኘው የቾንግ ኪንግ ዩኒቨርሲቲ ተመራማሪዎች ነው፡፡

በሀገሪቱ ለህዋ ምርምር ቅርበት ያላቸው ባለስልጣናትም ይህ አነስተኛ የስነ ህይወታዊ ስርዓተ ምህዳር ፕሮግራም በ2018 ወደ ጠፈር የሚያቀናው የቻንግኢ 4 ተልዕኮ አንድ አካል መሆኑን ገልጸዋል፡፡

ድንቹ በጨረቃ ላይ እንዲያርፍ ቢደረግም የሚጠቀመው አፈር የጨረቃ እንደማይሆን ተነግሯል፡፡

ምንጭ፡- South China Morning Post

                   


Save for Later/ በኋላ ለማንበብ ያስቀምጡ
   
Up vote :15     Down vote :0     Ajeb vote :15





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.