Top

15

ተመራማሪዎች የሰዎችን የወስጥ የሰውነት አካል ማሳየት የሚችል ካሜራ ሰሩ

Tuesday 5th of September 2017 07:25:14 AM  |  Fana Technology

ተመራማሪዎች የሰዎችን የወስጥ የሰውነት አካል ማሳየት የሚችል ካሜራ ሰሩ

አዲስ አበባ፣ ነሐሴ 29፣ 2009 (ኤፍ.ቢ.ሲ) ተመራማሪዎች የሰዎችን የውስጥ የሰውነት አካል ማሳየት የሚችል ካሜራ መስራታቸውን አስታወቁ።

ካሜራው ሃኪሞች በኢንዶስኮፒ የመመርመሪያ መሳሪያዎች የሚያደርጓቸውን የሰውነት የውስጥ አካል የህክምና ሂደቶች ለማገዝ ያለመ ነው ተብሏል።

እስካሁን ድረስ ብዙ የውስጥ የሰውነት አካል ህክምናዎች ውድ በሆኑና ከፍተኛ ትኩረትን በሚጠይቁ የስካንና የራጅ ምርመራዎች ነው የሚሰጡት።

አዲሱ ካሜራ በኢንዶስኮፒ ተጣጣፊ ቱቦዎች ላይ ተገጥሞ በብርሃን አማካይነት በሰዎች የውስጠኛው የሰውነት አካላቸው ላይ ያለውን የጤና ሁኔታ ለመከታተል ምቹ ሁኔታን ይፈጥራልም ነው የተባለው።

የኤደንብራ ዩኒቨርሲቲው ፕሮፌሰር ኬቭ ዳሊዋል እንደተናገሩት፥ በህክምና ስራዎች ላይ ውጤታማ ለመሆን ከሚያስፈልጉ መሳሪያዎች ትክክለኛው ይህ ካሜራ ነው።

የካሜራው አገልግሎት ብዙ ሊሆን ቢችልም አሁን ባለበት ደረጃ ግን ሃኪሞች የህሙማኑን በሽታ ለማከም በሚያደርጉት ጥረት የራሱ አስተዋፅኦ እንዲኖረው እየሰራን ነው ብለዋል።

በካሜራው የመጀመሪያ ሙከራዎች በሰውነት የውስጥ አካል ላይ ያሉ ምስሎችን እንዲቀዳ የተደረገ ሲሆን፥ የህዋሳት ቀጥተኛ መስመር አለመያዝ ስራውን ፈታኝ አድርጎታል።

ካሜራው በእያንዳንዱ ህዋስ ውስጥ የሚያልፈውን ብርሃን በመቆጣጠር እያንዳንዷን የአካል ክፍል በምስል በመቅረፅ ለህክምና ሂደቱ ጉልህ ሚና እንደሚጫወትም ተጠቁሟል።

የኤደንብራና የሄሪዮት ዋት ዩኒቨርሲቲዎች በቀረፁት ፕሮጀክት በዋናነት የሳንባ ህመሞችን ለማከም ታሳቢ ያደረገውን ካሜራ የመፍጠር ስራም ይገኝበታል።

የሄሪዮት ዋት ዩኒቨርሲቲው ሚካኤል ታነር ከሃኪሞችና ሌሎች የጤና ባለሙያዎች ጋር በመሆን በህክምና ሂደት የሚያጋጥማቸውን ችግር የሚቀርፉ ቴክኖሎጂዎችን መፍጠር በህይወቴ ማሳካት ከምፈልጋቸው ነገሮች ዋነኛው ነው ይላሉ።

 

 

 

 

ምንጭ፦ቢቢሲ

                   


Save for Later/ በኋላ ለማንበብ ያስቀምጡ
   
Up vote :15     Down vote :0     Ajeb vote :15





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.