Top

15

ቮልስዋገን ታዋቂውን ኩምቢ ቮልስ ሚኒባሱን ዳግም ወደ ገበያ ሊመልስ ነው

Friday 1st of September 2017 08:05:09 AM  |  Fana Technology

ቮልስዋገን ታዋቂውን ኩምቢ ቮልስ ሚኒባሱን ዳግም ወደ ገበያ ሊመልስ ነው

አዲስ አበባ፣ ነሃሴ 25፣ 2009 (ኤፍ.ቢ.ሲ) ቮልስ ዋገን በተለምዶ ኩምቢ ሚኒባስ በመባል የሚታወቀው የቀድሞ የተሽከርካሪ ምርቱን ዳግም ወደ ገበያ ሊመልስ መሆኑ ተነግሯል።

ቮልስ ዋገን እንዳስታወቀው፥ ሚኒባሶቹ በኤሌክትሪክ የሚሰሩ ሆነው ነው ዳግም ወደ ገበያው የሚመለሱት።

የቮልስዋገን የመኪና አምራች ኩባንያ ዋና ስራ አስፈጻሚ ዶክተር ሄርበርት ዲዬስ፥ ተሽከርካሪው የቀድሞውን ጊዜ ከአሁኑ ዘመን ጋር ያዋህዳል ብለዋል።

“የቮልስዋገን ማይክሮ ባሶች (ኩምቢ ቮልስ ሚኒባሶች) በቀደሙት ጊዜያት በከተሞች አካባቢ በብዛት ጥቅም ላይ ይውሉ ነበር፤ እነዚህን ተሽከርካሪዎች የኤሌክትሪክ ቴክኖሎጂ እንዲጠቀሙ አድርገን መልሰን እያመጣናቸው ነው” ብለዋል ስራ አስፈጻሚው።

vols_2.jpg

በኤሌክትሪክ የሚሰራው የቮልስዋገን ሚኒባስ እንደ አውሮፓውያኑ አቆጣጠር በ2022 ተመርቶ ለገበያ እንደሚቀርብም ተገልጿል።

የአሜሪካ፣ የቻይና እና የአውሮፓ ገበያዎች የሚኒባሱ ዋነኛ መዳረሻ እንደሚሆንም ይጠበቃል።

ምንጭ፦ www.uk.businessinsider.com

                   


Save for Later/ በኋላ ለማንበብ ያስቀምጡ
   
Up vote :15     Down vote :0     Ajeb vote :15





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.