Top

15

ባለ 262 ኢንች የዓለማችን ግዙፍ ቴሌቪዥን ለሽያጭ ቀረበ

Friday 16th of June 2017 07:10:08 AM  |  Fana Technology

ባለ 262 ኢንች የዓለማችን ግዙፍ ቴሌቪዥን ለሽያጭ ቀረበ

አዲስ አበባ፣ ሰኔ 8፣ 2009 (ኤፍ.ቢ.ሲ) መቀመጫውን አውስትራሊያ ያደረገው ሲ ሲድ ኩባንያ የዓለማችን ግዙፍ የተባለውን ባለ 262 ኢንች ቴሌቪዥን ለሽያጭ አቅርቧል።

ቴሌቪዥኑ ወደ ጎን 6 ሜትር ከ65 ሴንቲ ሜትር የሚረዝም ሲሆን፥ 2 ሜትር ከ57 ሴንቲ ሜትር ቁመት አለው።

በዓለም ላይ ትልቁ ነው የተባለው ቴሌቪዥኑ ኤል.ኢ.ዲ ቴክኖሎጂ የሚጠቀም መሆኑም ተነግሯል።

የአውስትራሊያው ሲ ሲድ እንደ አውሮፓውያኑ አቆጣጣር ከ2009 ጀምሮ በመዝናኛ ቴክኖሎጂ ላይ የተለያዩ ስራዎችን ሲሰራ የቆየ ኩባንያ ነው።

እንደ እውሮፓውያኑ አቆጣጣር በ2012 በሰራው ሲድ ባለ 201 ኢንች ቴሌቭዥን የምርጦች ምርጥ ሽልማትን ለመሸለምም ችሏል።

የሲ ሲድ ኩባንያ ቡድን አሁን ደግሞ ሀሳባቸውን የበለጠ አግዝፈው የመጡ ሲሆን፥ ይህም ባለ 262 ኢንች ቴሌቪዥናቸው ነው።

800 ኪሎ ግራም የሚመዝነው ቴሌቪዥኑ፤ 6 ሜትር ከ65 ሴንቲሜትር ስፋት ያለውን ግድግዳም ሙሉ በሙሉ መሸፈን ይችላል ነው የተባለው።

ቴሌቭዥኑ ከፍተኛ የስክሪን ጥራት እና የረቀቀ የድምፅ ቴክኖሎጂ የተገጠመለት መሆኑም ተነግሯል።

የአዲሱ ሲ ሲድ ቴሌቪዥን የመሸጫ ዋጋ ግን ለበርካቶች በቀላሉ የማይቀመስ ነው የተባለ ሲሆን፥ ቴሌቪዥኑን ለመግዛት 539 ሺህ የአሜሪካ ዶላር ያስፈልጋል ተብሏል።

ባለ 262 ኢንች ቴሌቪዥኑን ቤት ወስዶ ለማስገጠም ደግሞ 38 ሺህ 500 የአሜሪካ ዶላር ተጨማሪ ወጪ እንደሚያስወጣም ተነግሯል።

ለመግዛት በአጠቃላይ ከግማሽ ሚሊየን የአሜሪካ ዶላር በላይ የሚያስፈልገው ሲ ሲድ ባለ 262 ኢንች ቴሌቪዥን በአሁኑ ጊዜ በሁሉም የዓለም ክፍሎች ለገበያ መቅረቡ ነው ተረነገረው።

ምንጭ፦ www.dailymail.co.uk

 

                   


Save for Later/ በኋላ ለማንበብ ያስቀምጡ
   
Up vote :15     Down vote :0     Ajeb vote :15





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.