Top

15

በደም ውስጥ ያለውን የኦክሲጅን መጠን መለካት የሚያስችል ሰዓት ተሰራ

Thursday 31st of August 2017 08:00:22 AM  |  Fana Technology

በደም ውስጥ ያለውን የኦክሲጅን መጠን መለካት የሚያስችል ሰዓት ተሰራ

አዲስ አበባ፣ ነሃሴ 24፣ 2009 (ኤፍ.ቢ.ሲ) ፊትቢት የተባለ ኩባንያ በደም ውስጥ ያለውን ኦክሲጅን መጠን ማወቅ የሚያስችል አዮኒክ የተሰኘ ስማርት ሰዓት ሰርቷል።

አዲሱ ስማርት ሰዓት በደም ውስጥ የሚገኘውን የሄሞግሎቢን መጠን ለማወቅ ይረዳል ነው የተባለው።

ሰዓት ከሌሎች ምርቶች በተለየ የልብ ምትን ለመከታተል የተሻለው ነው ተብሏል።

ቴክኖሎጂው የትንፋሽ መቋረጥ ሲያጋጥም ማስጠንቀቂያዎችን ጨምሮ፥ ሰዎች በእንቅልፍ ወቅት የትንፋሽ መቋረጥ እንዳያጋጥማቸው ወይም በእረፍት ጊዜ ትንፋሽ እንዲወስዱ ማድረግ የሚያስችል አዲስ የማንቂያ ዘዴዎችን በመጠቆም ሊያገለግል የሚችል ነው።

በመሆኑም ይህ ቴክኖሎጂ የህክምና መሳሪያ ሆኖ ያገለግላልም ነው የተባለው።

ሰዓቱ ከዚህ ባሻገር፦

• በባትሪ ሃይል በመሙላት 10 ሰዓት ሙዚቃ በማጫወት ከአራት ቀናት በላይ ጥቅም ላይ ይውላል።

• ውሃ የመቋቋም ብቃት አለው።

• 2 ነጥብ 5 ጊጋ ባይት ስላለው 300 ሙዚቃዎችን ማከማቸት ያስችላል።

የሎኒክ ስማርት ሰዓት ዋጋ 387 ነጥብ 19 የአሜሪካ ዶላር ነው።

ፊትቢት በዘመናዊ ቴክኖሎጂ ሰዓቶችን ማምረት ጀምሯል ቢባልም፥ የምርቶቹ ዋጋ በቅርብ ወራት መጨመራቸው ለትችት ዳርጎታል።

ኩባንያው በበኩሉ አሁን ያለው ዋጋ በፈረንጆቹ 2016 ከነበረው ዋጋ ጋር ሲነፃፃር በ58 ነጥብ 2 ሚሊየን የአሜሪካ ዶላር ቅናሽ አሳይቷል ብሏል።

ኩባንያው የግዢ ትዕዛዞችን ቢቀበልም ምርቱን መሸጥ የሚጀምረው ግን የፈረንጆቹ መስከረም 2017 መጨረሻ አካባቢ መሆኑ ተገልጿል።

 

ምንጭ፦ ቢቢሲ

                   


Save for Later/ በኋላ ለማንበብ ያስቀምጡ
   
Up vote :15     Down vote :0     Ajeb vote :15





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.