Top

20

ዋልያዎቹ ለሌሶቶው ጨዋታ ዝግጅታቸውን ጀምረዋል

Wednesday 25th of May 2016 12:12:09 PM  |  Fana News

   ዋልያዎቹ ለሌሶቶው ጨዋታ ዝግጅታቸውን ጀምረዋል

የኢትዮጵያ ብሄራዊ ቡድን በ2017 የጋቦን አፍሪካ ዋንጫ ማጣርያ ከሌሶቶ ጋር ለሚያደርገው ጨዋታ ዝግጅቱን ትላንት ጀምሯል፡፡

ዋልያዎቹ አሰልጣኝ ዮሐንስ ሳህሌን አሰናብተው ገብረመድህን ሃይሌ እና ረዳቶቹ ውብሸት ደሳለኝ እና ዘላለም ሽፈራውን ከሾሙ በኋላ የ25 ተጨዋቾች ምርጫ አከናውነው ሰኞ ኢንተርኮትኔንታል አዲስ ማረፊያቸውን በማድረግ ትላንት ልምምዳቸውን ጀምረዋል፡፡

በዛሬ ጠዋት የልምምድ ፕሮግራም ለቅዱስ ጊዮርጊስ እና አል ሂላል የወዳጅነት ጨዋታ ወደ ሱዳን ካመሩት ሳልሃዲን ሰኢድ፣ ምንተስኖት አዳነ ፣ በሃይሉ አሰፋ ፣ አስቻለው ታመነ እንዲሁም የፕሪቶርያ ዩኒቨርሲቲው ጌታነህ ከበደ እና የፔትሮጄቱ ሽመልስ በቀለ በቀር ቀሪዎቹ 19 ተጫዋቾች ተገኝተዋል፡፡ የማላቀቅ፣ በፈጣን እንቅስቃሴ ውስጥ ኳስ የመቀባበል እንዲሁም በግማሽ ሜዳ ለሁለት ተከፍለው መጫወትም የዛሬ ልምምዳቸው አካል ነበር፡፡

የዋልያዎቹ ልምምድ በቀጣዮቹ ቀናት ተጠናክሮ የሚቀጥል ሲሆን ከዛሬ ጀምሮ ለተወሰኑ ቀናት በቀን ሁለት ጊዜ ልምምድ የሚሰሩ ይሆናል፡፡

ከቡድኑ ጋር ያልተካተቱት አምስት ተጨዋቾች በዚህ ሳምንት መጨረሻ ከቡድኑ ጋር የሚቀላቀሉ ሲሆን ፕሪቶርያ ዩኒቨርሲቲ እሁድ ላለበት ወሳኝ የመውረድ/መትረፍ ትንቅንቅ ጌታነህ ከበደን የሚጠቀም በመሆኑ ቶሎ እንደማይለቀው ለኢትዮጵያ እግር ኳስ ፌዴሬሽን ደብዳቤ ልኳል፤ ሰኞ አዲስ አበባ በመግባት ማክሰኞ ልምምድ የሚጀምር ይሆናል፡፡

ብሄራዊ ቡድናችን በመጪው ግንቦት 28 ከሌሶቶ ብሄራዊ ቡድን ጋር የምድቡን 5ኛ ጨዋታ በማሴሩ ከተማ ያደርጋል፡፡

ምንጭ፦ ሶከር ኢትዮጵያ

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.