Top

20

የኢትዮጵያ ከ20 ዓመት በታች ብሄራዊ ቡድን የጋና አቻውን አሸነፈ

Sunday 22nd of May 2016 03:53:42 PM  |  Fana News

  የኢትዮጵያ ከ20 ዓመት በታች ብሄራዊ ቡድን የጋና አቻውን አሸነፈ

የኢትዮጵያ ከ20 ዓመት በታች የወንዶች ብሄራዊ እግር ኳስ ቡድን ዛሬ የጋና አቻውን በአዲስ አበባ ስታዲየም አስተናግዷል።

ቡድኑ ከጋና ብሄራዊ ቡድን ጋር ያደረገው የትናንት የማጣሪያ ጨዋታ በሚቀጥለው ዓመት በዛምቢያ አዘጋጅነት ለሚካሄደው 20ኛው የአፍሪካ ወጣቶች ዋንጫ ለማለፍ ነው።

ትናንት በአዲስ አበባ ስታዲየም ከቀኑ 10 ሰዓት ላይ የመጀመሪያ ግጥሚያውን ያደረገው የኢትዮጵያ ከ20 ዓመት በታች የወንዶች ብሄራዊ እግር ኳስ ቡድን የጋና አቻውን 2ለ1 በሆነ ውጤት አሸንፏል።

ለኢትዮጵያ ከ20 ዓመት በታች የወንዶች ብሄራዊ እግር ኳስ ቡድን የማሸነፊያ ሁለቱን ጎሎች አሜ መሐመድ በ4ኛው እና በ9ኛው ደቂቃ ከመረብ አሳርፏል።

የጋና ከ20 ዓመት በታች የወንዶች ብሄራዊ እግር ኳስ ቡድን በባዶ ከመውጣት የታደገችውን ጎል በ87ኛው ደቂቃ 17 ቁጥሩ አና ቼዶ ለገና አስቆጥሯል።

የኢትዮጵያ ከ20 ዓመት በታች የወንዶች ብሄራዊ እግር ኳስ ቡድን እና የጋና አቻው የመልስ ጨዋታውን በሰኔ የመጀመሪያ ሳምንት በጋና ያካሂዳል።

ቡድኑ በደርሶ መልስ ጋናን የሚያሸንፍ ከሆነ ከቱኒዝያና ከሴኔጋል አሸናፊ ጋር የሚጫወት ይሆናል።

ብሄራዊ ቡድኑ ወደ ሁለተኛ ዙር የደረሰው የሶማሊያ አቻውን አራት ለአንድ በሆነ ውጤት በመርታት መሆኑ ይታወሳል።

የጋና ከ20 ዓመት በታች ብሄራዊ ቡድን ከዚህ በፊት በተደረጉ ተከታታይ 4 የአፍሪካ ወጣቶች የእግር ኳስ ዋንጫ ላይ የተሳተፈ ሲሆን፥ በ2015 ሴኔጋል ባዘጋጀችው ውድድር ላይ 3ኛ በመሆን ማጠናቀቁ ይታወሳል።






                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.