Top

20

የኢትዮጵያ ከ20 አመት በታች ብሄራዊ ቡድን የጋና አቻውን የፊታችን እሁድ ይገጥማል

Thursday 19th of May 2016 12:57:06 PM  |  Fana News

  የኢትዮጵያ ከ20 አመት በታች ብሄራዊ ቡድን የጋና አቻውን የፊታችን እሁድ ይገጥማል

ዛምቢያ ለምታስተናግደው የ2017 የአፍሪካ ከ20 አመት በታች ዋንጫ ማጣሪያ ጨዋታ የኢትዮጵያ ብሄራዊ ቡድን የጋና አቻውን የፊታችን እሁድ በአዲስ አበባ ስታዲየም ይገጥማል።

የኢትዮጵያ ከ20 ዓመት በታች ብሄራዊ ቡድን ከግንቦት 2 ጀምሮ በኢትዮጵያ ሆቴል በመሰባሰብ በልምምድ እና ዝግጅት በማድረግ ላይ ይገኛል።

ብሄራዊ ቡድኑ ከ29 ተጫዋቾች ስብስብ መካከል 11 ተጫዋቾችን የቀነሰ ሲሆን፥ 4 አዳዲስ ተጫዋቾችን ደግሞ ወደ ቡድኑ ጠርቷል።

አዲስ የተመረጡት 4 ተጫዋቾችም ተመስገን አዳሙ ከሙገር ሲሚንቶ፣ ቢንያም አበራ ከደደቢት ፣ ጋድ ጋትኮች እና ኩንአሩ ዋትዳል ከጋምቤላ ናቸው፡፡

ከ20 ዓመት በታች ብሄራዊ ቡድኑ በአሁኑ ወቅትም 23 ተጫዋቾችን በመያዝ በአዲስ አበባ ስታዲየም ልምምድ በማድረግ ላይ ይገኛል።

በተያያዘ የጋና ከ20 ዓመት በታች ብሄራዊ ቡድን አሰልጣኝ ማሱድ ዲዲ ድራማኒ፥ ተጫዋቾቹ ለእሁዱ ጨዋታ ሙሉ ዝግጅት ማድረጋቸውን ተናግረዋል።

የቡድኑ ጠንካራ ተጫዋች ቤንጃሚን ባቱሬ በጉዳት ምክንያት ወደ አዲስ አበባ እንደማይመጣ የተናገሩት አሰልጣኙ፥ ይህ ልብሄራዊ ቡድኑ መጥፎ አጋጣሚ ነው ብለዋል።

የጋና ከ20 ዓመት በታች ብሄራዊ ቡድን ከዚህ በፊት በተደረጉ ተከታታይ 4 የአፍሪካ ወጣቶች የእግር ኳስ ዋንጫ ላይ የተሳተፈ ሲሆን፥ በ2015 ሴኔጋል ባዘጋጀችው ውድድር ላይ 3ኛ በመሆን ማጠናቀቁ እንደሚታወስ ጋና ዌብ ዘግቧል።

ተጨማሪ መረጃ፦ http://soccerethiopia.net/





                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.