Top

20

የአውሮፓ ዋንጫ ዛሬ እንግሊዝን ከዌልስ ያገናኛል

Thursday 16th of June 2016 08:07:01 AM  |  Fana News

 የአውሮፓ ዋንጫ ዛሬ እንግሊዝን ከዌልስ ያገናኛል

በአውሮፓ ዋንጫ ዛሬ ሶስት ጨዋታዎች ይካሄዳሉ።

በምድብ ሁለት አንድ ጨዋታ የሚደረግ ሲሆን፥ ከምድብ ሶስት ሁለት ጨዋታዎች ይደረጋሉ።

በዚህም መሰረት በምድብ ሁለት የሚገኙት እንግሊዝ እና ዌልስ የሚያደርጉት ጨዋታ ተጠባቂ ሆኗል።

ዌልስ ምድቡን በ3 ነጥብ በመምራት ላይ ስትሆን የእንግሊዝ ብሄራዊ ቡድን በ1 ነጥብ ሶስተኛ ደረጃ ላይ ተቀምጧል።

ዛሬ የሚደረግ ሌላ የአውሮፓ ዋንጫ ጀርመንን ከፖላንድ የሚያገናኝ ሲሆን፥ ሁለቱም ቡድኖች ከምድባቸው እኩል ሶስት ነጥብ በመያዝ በግብ ክፍያ ተበላልጠው ይመራሉ።

በዩክሬን እና አየርላንድ መካከል የሚደረገው የምድብ ሶስት ጨዋታ ሌላኛው ሲሆን፥ ሁለቱም ቡድኖች በግብ እዳ ተበላልጠው ሶስተኛ እና አራተኛ ደረጃ ላይ ተቀምጠዋል።

ትናንት በተደረጉ የአውሮፓ ዋንጫ ሁለተኛ ዙር የምድብ ጨዋታዎች ፈረንሳይ አልባኒያን 2 ለ 0 በሆነ ውጤት ማሸነፏ ይታወሳል።

በጨዋታውም ግሬዝማን በ90ኛው ደቂቃ ላይ ፈረንሳይን መሪ የምታደርገውን ጎል ከመረብ ያሳረፈ ሲሆን፥ ፓይት ጨዋታው ተጠናቆ በተሰጠ ተጨማሪ ሰዓት ለፈረንሳይ ብሄራዊ ቡድን ሁለተኛዋን ግብ ከመረብ አሳርፏል።

ሮማኒያ እና ስዊዘርላንድ ያደረጉት ጨዋታም 1 ለ 1 ተጠናቋል።

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.