Top

20

የአውሮፓ እግር ኳስ ማህበር በሩሲያ ብሄራዊ ቡድን ላይ ቅጣት አስተላለፈ

Tuesday 14th of June 2016 11:56:58 AM  |  Fana News

 የአውሮፓ እግር ኳስ ማህበር በሩሲያ ብሄራዊ ቡድን ላይ ቅጣት አስተላለፈ

የአውሮፓ እግር ኳስ ማህበር በሩሲያ ብሄራዊ ቡድን ላይ የቅጣት ውሳኔ አስተላለፈ።

ማህበሩ ቅጣቱን ያስተላለፈው ባለፈው ቅዳሜ ቡድኑ ከእንግሊዝ አቻው ጋር ባደረገው ጨዋታ የተነሳውን ብጥብጥ ተከትሎ ነው።

በቅዳሜው ጨዋታ እጅግ የሰለጠኑ 150 የሩሲያ ደጋፊዎች በእንግሊዝ ደጋፊዎች ላይ ጥቃት መሰንዘራቸውን ማህበሩ ገልጿል።

ከዚህ ባለፈም የዘረኝነት ጥቃት መፈጸማቸውንም ነው የማህበሩ መግለጫ የሚያሳየው።

ይህን ተከትሎም ማህበሩ 150 ሺህ ዩሮ ቅጣትን በቡድኑ ላይ አስተላልፏል።

ከዚህ ባለፈም ከዚህ በኋላ በሚደረጉ ጨዋታዎች፥ በሩሲያ ደጋፊዎች አማካኝነት መሰል ግጭቶች ቢፈጸሙ ቡድኑ ከውድድሩ እንደሚሰናበትም ማህበሩ ማስጠንቀቂያ ሰጥቷል።

በማርሴይ በተደረገው የሁለቱ ቡድኖች ጨዋታ በስርዓት አልበኛ ደጋፊዎች 35 ሰዎች የተጎዱ ሲሆን፥ አራቱ በፅኑ መቁሰላቸው ነው የተነገረው።

ሩሲያ በነገው እለት ከስሎቫኪያ ስትጫወት እንግሊዝ ደግሞ ከዌልስ ጋር ሃሙስ ትገናኛለች።

በሊል እና ሌንስ ከተማ አቅራቢያ በሚደረገው የሁለቱ ቡድኖች ጨዋታም ደጋፊዎች የሚገናኙበት እድል በመኖሩ ጥብቅ ቁጥጥር እንደሚደረግ የፈረንሳይ ፖሊስ አስታውቋል

 

ምንጭ፦ ቢቢሲ

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.