Top

20

ዚዙን ከሲሞኒ ያፋጠጠው የአውሮፓ ሻምፒዮንስ ሊግ ነገ ፍፃሜውን ያገኛል

Friday 27th of May 2016 01:22:25 PM  |  Fana News

 ዚዙን ከሲሞኒ ያፋጠጠው የአውሮፓ ሻምፒዮንስ ሊግ ነገ ፍፃሜውን ያገኛል

 ሁለቱን የማድሪድ ክለቦች ያፋጠጠው የ2015/16 የአውሮፓ ሻምፒዮንስ ሊግ ነገ ፍፃሜውን ያገኛል።

ምንም እንኳን ልዩነታቸው ሰፊ ቢሆንም የደርቢ ጨዋታ ነውና ነገ የአለማችን እግር ኳስ ወዳድ ተመልካች ከምሽቱ 3 ስአት ከ45 ጀምሮ አይኑን በሚላን ሳንሲሮ ይተክላል።

ሪያል ማድሪድ በቀድሞው ተጫዋቹ ዜነዲን ዚዳን እየተመራ ለ11ኛ ጊዜ የአውሮፓ ሻምፒዮንስ ሊግ ዋንጫን ለማንሳት፤ አትሌቲኮ ማድሪድ ደግሞ በዲያጎ ሲሞኒ አማካኝነት ለመጀመሪያ ጊዜ ዋንጫውን ለመሳም የሚያደርጉት ፍልሚያ በጣም ተጠባቂ ነው።

በ2015/16 ሪያል ማድሪድ 110 ጎሎችን ሲያስቆጥር ተቀናቃኙ አትሌቲኮ 63 ብቻ ጎሎችን ነው ማግባት የቻለው። በአንፃሩ አትሌቲኮ 18 ጎሎችን ሲያስተናግድ ሪያል ማድሪድ 34 ጎሎች ተቆጥረውበታል።

በፈረንጆቹ አዲስ አመት 2016 መባቻ ጥር ወር ላይ የቀድሞ ክለቡን ማሰልጠን የጀመረው ዜነዲን ዚዳን ከራፋ ቤነቴዝ የተቀበለውን ቡድን በማደራጀት ለሻምፒየንስ ሊጉ ማብቃቱ በቡድኑ የመቆየት እድሉ ሰፊ እንዲሆን አድርጓል።

አትሌቲኮ ማድሪድ በሻምፒየንስ ሊጉ ከዚህ ቀደም ሁለት ጊዜ ለፍፃሜ አልፎ በሪያል ማድሪድ እና ባየር ሙኒክ ተሸንፎ ዋንጫ ማጣቱ ይታወሳል።

አትሌቲኮ በአስደናቂው ዲያጎ ሲሞኒ ያላገኘው ዋንጫ የአውሮፓ ሻምፒዮንሰ ሊግ ብቻ ነው።

የሲሞኒ ቡድን ባለፉት አመታት በዋነኛ የከተማ ተቀናቃኙ ሪያል ማድሪድ ላይ የበላይነት ይዟል፤ ከሁለት አመት በፊት በሻምፒየን ሊጉ ለፍፃሜ ደርሶ በሪያል ማድሪድ ከተሸነፈ ወዲህ ካደረጓቸው 10 ጨዋታዎች የተሸነፈው በአንዱ ብቻ ነው።

የቀድሞው የቼልሲ አማካይ ቲያጎ ከጉዳቱ አገግሞ የተመለሰለት አትሌቲኮ በሙሉ ስኳዱ ነው ነገ ወደ ሜዳ ይገባል ተብሎ የሚጠበቀው።

በርካታ የአትሌቲኮ ደጋፊዎች በነገው ምሽት ፍልሚያ አጥቂው ፈርናንዶ ቶሬዝ ከጉዳቱ አገግሞ ቢሰለፍ ደስተኛ እነደሚሆኑ ገልፀዋል።

ቶሬዝ በተሰለፈባቸው 10 ጨዋታዎች 6 ጎሎችን ከመረብ አዋህዷል። በነገው እለትም ተሰለፎ ቡድኑ ድል የሚቀናው ከሆነ በ2012 ከቼልሲ ጋር ካነሳው ቀጥሎ ሁለተኛውን የአውሮፓ ትልቁን ዋንጫ ይስማል።

ሌላኛው ለአትሌቲኮ ወሳኝ የማሸነፍ ብርታት የሚሆነው ተጫዋች ፈረንሳዊው አንቱዋን ግሪዝማን ነው።

የቀድሞው የሪያል ሶሲዳድ አጥቂ በዚህ አመት አንፀባራዊ ጊዜ አሳልፏል፤ በሁሉም ውድድሮች 32 ጎሎችን ማስቆጠር ችሏል።

በከዋክብት የተሞላው ሪያል ማድሪድ ወሳኝ አጥቂ ክርስቲያኖ ሮናልዶ በነገው ጨዋታ ይሰለፋል አይሰለፍም የሚለው እሰካሁን አልታወቀም።

ሪያል ማድሪድ ከ አትሌቲኮ ማድሪድ

ሪያል ማድሪድ በሻምፒዮንስ ሊጉ (ዩሮፒያንሊ ግን ጨምሮ) 14 ጊዜ ለፍፃሜ ደርሷል። ከዚህ ውስጥ አስሩን በማንሳት ቀዳሚው ቡድን ነው።

ባለፉት አራት አመት ለሶስተኛ ጊዜ ነው የአንድ ሀገር ክለቦች ለፍፃሜ ያለፉት። (ጀርመን 2013፣ ስፔን 2014፣ ስፔን 2016)

ሁለቱ የማድሪድ ክለቦች በሻምፒየንስ ሊግ/ዩሮፒያን ሊግ 17 ጊዜ ለፍፃሜ ደርሰዋል (ሪያል ማድሪድ 14 እንዲሁም አትሌቲኮ 3 ጊዜ)፤ የሚላን ከተማ ቡድኖች ደግሞ 16 ጊዜ ለፍፃሜ ደርሰዋል።

አትሌቲኮ በሁሉም ውድድሮች ከሪያል ማድሪድ ጋር ካደረጓቸው 16 ጨዋታዎች ውስጥ ሰባቱን አሸንፈዋል፤ በአምሰቱ አቻ ሲወጡ በአራቱ ተሸንፈዋል።

ሁለቱ ቡድኖች የተገናኙባቸው ያለፉት አራተ ጨዋታዎች አራት ጎሎች ብቻ ነው የተቆጠሩባቸው።

ይህ አመት ለሶስተኛ ተከታታይ ጊዜ ማሰልጠን በጀመረ በመጀመሪያው አመት በሻምፒየንስ ሊጉ ፍፃሜ ለፍፃሜ የገባበት ነው (ዲያጎ ሲሞኒ በ2014፣ ሊዩስ ኤነሪኬ በ2015፣ ዜነዲን ዚዳን በ2016) ።

አትሌቲኮ ባለፉት 21 የሻምፒዮንስ ሊግ ጨዋታዎች 15 ጊዜ ግብ ሳይቆጠርበት ወጥቷል።

ምንጭ፦ ቢቢሲ

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.