Top

20

በፕሪምየር ሊጉ ቅ.ጊዮርጊስ እና ኢት.ቡና ከሜዳቸው ውጭ ነጥብ ተጋርተው ወጥተዋል

Sunday 22nd of May 2016 03:24:07 PM  |  Fana News

 በፕሪምየር ሊጉ ቅ.ጊዮርጊስ እና ኢት.ቡና ከሜዳቸው ውጭ ነጥብ ተጋርተው ወጥተዋል

21ኛ ሳምንት የኢትዮጵያ ፕሪምየር ሊግ ዛሬ በክልል በተገረጉ ሰባት ጨዋታዎች ቀጥሎ ውለሏል።

ጨዋታዎቹ ትናንት በ9 ሰዓት ላይ ነው በክልል በሚገኙ ሜዳዎች የተካሄዱት።

በዚህም መሰረት ወላይታ ዲቻ የሊጉ መሪ የሆነውን ቅዱስ ጊዮርጊስን በሜዳው ቦዲቲ ላይ ያስተናገደ ሲሆን፥ ጨዋታው ያለ ምንም ግብ አቻ በሆነ ውጤት ተጠናቋል።

ዳሽን ቢራ እና ኢትዮጵያ ቡና ጎንደር ላይ የተጫወቱ ሲሆን፥ ጨዋታው 2ለ2 በሆነ የአቻ ውጤት ተጠናቋል።

በጨዋታውም ሳቂቅ ሴቾ በ36ኛው እና በ65ኛው ደቂቃ ሁለቱንም ጎሎች ለኢትዮጵያ ቡና ከመረብ ያሳረፈ ሲሆን፥ ኤዶም ሃሶውርቪ በ26ኛ ደቂቃ እንዲሁም የተሻ ግዛው በ52ኛው ደቂቃ ለዳሽን ቢራ ሁለቱን ግቦች ከመረብ አሳርፈዋል።

በአቢዮ አርሳሞ ስታድየም ኢትዮጵያ ንግድ ባንክን ያስተናገደው ሀዲያ ሆሳዕና በሜዳው 1ለ0 በሆነ ውጤት ተረትቷል።

በጨዋታው ፊሊፕ ዳውዝ በ55ኛው ደቂቃ ለኢትዮጵያ ንግድ ባንክ የማሸነፊያዋን ጎል ከመረብ አሳርፏል።

በይርጋለም አዳማ ከተማን ያስተናገደው ሲዳማ ቡና ጨዋታውን 1ለ0 በሆነ ውጤት በሜዳው አሸንፏል።

ለሲዳማ ቡና የማሸነፊያዋን ግብ በረከት አዲሱ ከመረብ አሳርፏል።

በድሬደዋ በተደረ የድሬደዋ ከተማ እና የመከላከያ ጨዋታ ደግሞ 2ለ2 በሆነ የአቻ ውጤት ተጠናቋል።

ለድሬደዋ ከተማ የአቻነት ጎሎቹን ፉአድ ኢብራሂም በ36ኛው ደቂቃ እንዲሁም በላይ አባይነህ በ71ኛው ደቂቃ ከመረብ ሲያሳርፉ፥ ለመከላከያ ደግሞ በሀይሉ ግርማ በ65ኛው ደቂቃ እንዲሁም መሃመድ ናስር በ90ኛው ደቂቃ አስቆጥረዋል።

ደደቢትን በሜዳው ያስተናደው አርባምንጭ ከተማ ጨዋታውን 2ለ1 በሆነ ውጤት ማሸነፍ ችሏል።

ለአርባምንጭ ከተማ የማሸነፊያ ጎሎቹን ፀጋዬ አበራ በ17ኛው ደቂቃ እንዲሁም አመለ ሚልኪያስ በ68ኛው ደቂቃ ያስቆጠሩ ሲሆን፥ ደደቢትን በባዶ ከመውጣት የታደገችውን ጎል ሳሙኤል ሳኑሚ ከእረፍት በፊት አስቆጥሯል።

እንዲሁም ሀዋሳ ላይ በተደረገ ሌላ የፕሪምየርሊግ ጨዋታ ሀዋሳ ከተማን ከኤሌክትሪክ ያገናኘ ሲሆን፥ ጨዋታውን ሀዋሳ ከተማ 3ለ2 በሆነ ውጤት አሸንፏል።

ፕሪምር ሊጉን ቅዱስ ጊዮርጊስ በ44 ነጥብ እየመራ ሲሆን፥ ኢትዮጵያ ቡና በ35 ነጥብ በ2ኛ ደረጃ ላይ ተቀምጧል።

አዳማ ከተማ በ33 ነጥም በ3ኛ ደረጃ ላይ ተቀምጧል።

 






                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.