Top

20

ሮናልዶ በቅዳሜው የቻምፒየንስ ሊግ ፍጻሜ መሰለፉ አጠራጣሪ እየሆነ ነው

Tuesday 24th of May 2016 12:39:41 PM  |  Fana News

 ሮናልዶ በቅዳሜው የቻምፒየንስ ሊግ ፍጻሜ መሰለፉ አጠራጣሪ እየሆነ ነው

የሪያል ማድሪዱ ኮከብ ክርስቲያኖ ሮናልዶ በቅዳሜው የቻምፒየንስ ሊግ የፍጻሜ ግጥሚያ መሰለፉ አጠራጣሪ እየሆነ ነው።

ሮናልዶ በዛሬው እለት ከቡድኑ ጋር ያደረገውን የሜዳ ላይ ልምምድ ከመጨረሱ ቀደም ብሎ፥ ከግብ ጠባቂው ኪኮ ካሲላ ጋር በመጋጨቱ በጉዳት እያነከሰ ወጥቷል።

ይህ ደግሞ በቅዳሜው የፍጻሜ ጨዋታ ላይ አይሰለፍም የሚለውን ጥርጣሬ እያጎላው ነው።

ካለፈው ወር ጀምሮ በታፋ ጉዳት የተጠቃው ሮናልዶ የአመቱ መጨረሻ የላሊጋ ጨዋታ ላይ ተቀይሮ መውጣቱ ይታወሳል።

cr_1jpg

ከዚህ ባለፈም በሚያዚያ ወር በዚህ ጉዳት ሳቢያ በሶስት ጨዋታዎች ላይ መሰለፍ አልቻለም።

ያለፉትን ቀናትም ከሜዳ ላይ ልምምድ ይልቅ በጂምናዚየም ውስጥ አሳልፏል።

cr_2jpg

ቡድኑ ለቅዳሜው ጨዋታ በዛሬው እለት ባደረገው ልምምድ ላይ ቢሳተፍም በህመም እያነከሰ ወጥቷል።

በጉዳዩ ላይ አስተያየቱን የሰጠው ሮናልዶ ደጋፊዎች ሊጨነቁ አይገባም ብሏል፤ በቀጣዮቹ ቀናት ውስጥም ሁኔታዎች እንደሚሻሻሉ እምነቱን ገልጻል።

በመጭው ቅዳሜ በሳንሲሮ ሪያል ማድሪድ ከአትሌቲኮ ማድሪድ ጋር የ2015/16 የቻምፒየንስ ሊግ ፍጻሜ ጨዋታውን ያደርጋል።

ሮናልዶ በዚህ አመት ለሪያል ማድሪድ 51 ጎሎችን አስቆጥሯል።

 

 

cr_3jpg

 

 


ምንጭ፦ ጎል ዶት ኮም

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.