Top

20

ቀነኒሳ በቀለ በሪዮ ኦሎምፒክ ኢትዮጵያን በማራቶን ሩጫ ይወክላል

Thursday 19th of May 2016 04:32:05 PM  |  Fana News

  ቀነኒሳ በቀለ በሪዮ ኦሎምፒክ ኢትዮጵያን በማራቶን ሩጫ ይወክላል

 የኢትዮጵያ አትሌቲክስ ፌዴሬሽን በ2016 በብራዚል በሚካሄደው 31ኛው የሪዮ ኦሎምፒክ ላይ የሚሳተፉ አትሌቶችን ስም ይፋ እያደረገ ነው።

ፌዴሬሽኑ በዛሬው እለት በወንዶችና በሴቶች ኢትዮጵያን በመወከል በማራቶን የሚሳተፉ አትሌቶችን ይፋ እድርጓል።

በዚህም መሰረት በወንዶች ቀነኒሳ በቀለ፣ ተስፋዬ አበራ፣ ለማ ፈይሳ፣ የማነ ፀጋዬ እና ሌሊሳ ዴሲሳ ኢትዮጵያን በመወከል በ2016ቱ የሪዮ ኦሎምፒክ ይሮጣሉ።

ፌዴሬሽኑ በሴቶች ኢትዮጵያን ወክለው የሚወዳደሩ አትሌቶንም ይፋ ያደረገ ሲሆን፥ ማሬ ዲባባ፣ አሰለፈች መርጊያ፣ አበሩ ከበደ፣ ትርፊ ፀጋዬ እና ትዕግስት ቱፋ እንደሚሳታፉ አስታውቋል።

አትሌት ቀነኒሳ በቀለ በማራቶን ውድድር ኢትዮጵያን ወክሎ ሲወዳደር ይህ የመጀመሪያው ነው።

ቀነኒሳ በቀለ በቅርቡ በተደረገ የለንደን ማራቶን ላይ መሳተፉ የሚታወስ ሲሆን፥ ውድድሩን በሶስተኝነት ደረጃ አጠናቋል።

በሴቶች ኢትዮጵያን ከሚወክሉት ውስጥ አትሌት ማሬ ዲባባ በ15ኛው የቤጂንግ የአለም አትሌቲክስ ሻምፒዮና ላይ በማሸነፍ ለኢትዮጵያ ወርቅ ማስገኘቷ የሚታወስ ሲሆን፥ ትግስት ቱፋ እና አትሌት ማሬ ዲባባ በቅርብ በተካሄደው የለንደን ማራቶን ላይ ተከታትለው በመግባት 2ኛ እና 3ኛ ደረጃን ይዘው ውድድሩን ማጠናቀቃቸው ይታወሳል።

ቅሬታ ያላቸው አትሌቶች እስከ ግንቦት 15 ቀን በመቅረብ ቅሬታቸውን ማቅረብ እንደሚችሉም የኢትዮጵያ አትሌቲክስ ፌዴሬሽን አስታውቋል።

 

 


                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.