Top

20

ጥሩነሽ ዲባባ በግንቦት ወር በሚካሄደው የግሬት ማንቸስተር ውድድር ላይ ዳግም ወደ ሩጫ ልትመለስ ነው

Thursday 28th of April 2016 07:02:28 AM  |  Fana News

 ጥሩነሽ ዲባባ በግንቦት ወር በሚካሄደው የግሬት ማንቸስተር ውድድር ላይ ዳግም ወደ ሩጫ ልትመለስ ነው

 የሶስት ጊዜ የኦሎምፒክ የወርቅ ሜዳሊያ አሸናፊዋ አትሌት ጥሩነሽ ዲባባ የፊታችን ግንቦት ወር በግሬት ማንቸስተር የጎዳና የሩጫ ውድድር ላይ እንደምትሳተፍ ተነግሯል።

በወሊድ ምክንያት ከውድድር ርቃ የነበረችው ጥሩነሽ ዲባባ በግንቦት ወር የሚካሄደው የ10 ኪሎሜትር የጎዳና ላይ ውድድር የመጀመሪያዋ ነው።

የግሬት ማንቸስተር የጎዳና ላይ ውድድርም አትሌቷ የሪዮ ኦሎምፒክ ላይ ለመሳተፍ የምታደርገውን ዝግጅት እንደሚረዳት ተጠቅሷል።

ከዚህ በፊት እንደ አውሮፓውያኑ አቆጣጠር በ2013 እና በ2014 የተደረጉትን የግሬት ማንቸስተር የ10 ኪሎሜትር የጎዳና ላይ ውድድርን በአሸናፊነት ያጠናቀቀችው አትሌት

ጥሩነሽ የዘንድሮን ውድድርም ለ3ኛ ጊዜ በአሸናፊነት ለማጠናቀቅ እንደምትችል ከወዲሁ ግምት ተሰጥቷታል።

አትሌቷ በ2013 በተደረገ ውድድር 30 ደቂቃ ከ49 ሴኮንድ በመግባት የስፍራውን ክብረወሰን መስበሯም ይታወሳል።

አትሌት ጥሩነሽ በኦሎምፒክ 3 የወርቅ እና 2 የነሃስ ሜዳሊያ፣ በዓለም አትሌቲክስ ሻምፒዮና 5 የወርቅ ሜዳሊያ፣ በዓለም የሀገር አቋራጭ ውድድሮች 5 የወርቅ እና 3 የብር ሜዳሊያ እንዲሁም በአፍሪካ አትሌቲክስ ሻምፒዮና 2 የወርቅ እና 1 የብር ሜዳሊያዎችን መሰብሰብ ችላለች።

ምንጭ፦ www.athleticsweekly.com

 


                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.