Top

20

በስቶኮልም ዳይመንድ ሊግ በወንዶች 5 ሺህ ሜትር ኢትዮጵያውያኑ በበላይነት አጠናቀዋል

Friday 17th of June 2016 07:08:53 AM  |  Fana News

 በስቶኮልም ዳይመንድ ሊግ በወንዶች 5 ሺህ ሜትር ኢትዮጵያውያኑ በበላይነት አጠናቀዋል

በስዊድን ስቶኮሆልም በተካሄደው 8ኛው የዳይመንድ ሊግ ውድድር ኢትዮጵያውያን አትሌቶች በወንዶች የ5 ሺህ ሜትር ውድድር ከ1ኛ እስከ 6ኛ ያለውን ደረጃ ይዘው አጠናቀዋል።

በ2011 የ10 ሺህ ሜትር የአለም ሻምፒዮኑ ኢብራሂም ጄላን ውድድሩን በቀዳሚነት ጨርሷል።

የ27 አመት ወጣቱ ኢብራሂም ድንቅ አጨራረሱን ባሳየበት ውድድር 5 ሺህ ሜትሩን በ13 ደቂቃ ከ03.22 ሰከንድ ነው ያጠናቀቀው።

ዮሚፍ ቀጀልቻ (13.03.66) እና ሙክታር እድሪስ (13.05.54) ኢብራሂምን ተከትለው ገብተዋል።

ይግረም ደመላሽ፣ የኔው አላምረው እና ሰለሞን በሪሁ ደግሞ ከ4ኛ እስከ 6ኛ ያለውን ደረጃ ይዘዋል።  

በሴቶች 1 ሺህ 500 ሜትር የሩጫ ውድድር ጉደፍ ፀጋዬ ሶስተኛ ደረጃን ይዛ አጠናቃለች። 

ባለፈው ሳምንት በኖርዌይ ኦስሎ በተካሄደው 7ኛው የዳይመንድ ሊግ ውድድር በ5 ሺህ ሜትር ሀጎስ ገብረህይወት፣ ሙክታር እድሪስ እና ዮሚፍ ቀጀልቻ ተከታትለው መግባታቸው ይታወሳል።

ትናንት ምሽት በስቶኮልም ወደ ድል የተመለሰው ኢብራሂም ጄላን ብሪታንያዊውን የ10 ሺህ እና 5 ሺህ ሜትር የኦሎምፒክ ሻምፒዮን ሞ ፋራህን በ2011 በዴጉ ማሸነፉ አይዘነጋም።

 

 


                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.