Top

20

ቁጥራቸው 31 የሚደርስ አትሌቶች ከሪዮ ኦሎምፒክ ሊታገዱ ይችላሉ ተባለ

Tuesday 17th of May 2016 02:56:43 PM  |  Fana News

 ቁጥራቸው 31 የሚደርስ አትሌቶች ከሪዮ ኦሎምፒክ ሊታገዱ ይችላሉ ተባለ

ኮሚቴው ይህንን ያስታወቀው እንደ አውሮፓውያኑ አቆጣጠር በ2008 የተካሄደው የቤጂንግ ኦሎምፒክ ላይ ተሳታፊ ከነበሩ 454 አትሌቶች የተወሰደ ናሙና ላይ ዳግም ምርመራ ካደረገ በኋላ ነው።

የአበረታች መድሃኒት ዳግም ምርመራው በጣም ዘመናዊ የሆነ ቴክኖሎጂን ተጠቅሞ የተካሄደ መሆኑን አለም አቀፉ የኦሎምፒክ ኮሚቴ አስታውቋል።

ከቤጂንግ ኦሎምፒክ ተሳታፊ አትሌቶች በተጨማሪም እንደ አውሮፓውያኑ አቆጣር በ2012 በተካሄደው የለንደን ኦሎምፒክ ተሳታፊ ከነበሩት ውስጥ የ250 አትሌቶች ናሙና ዳግም መርመራ እየተደረገበት መሆኑን ኮሚቴው ገልጿል።

የአለም አቀፉ የኦሎምፒክ ኮሚቴ ፕሬዚዳንት ቶማስ ባች፥ ምርመራዎቹ በስርቆት የሚገኝ አሸናፊነትን ለመከላከል ነው የሚደረጉት ብለዋል።

ከአትሌቶች ላይ የወሰድነውን ናሙና ለ10 ዓመታት እናስቀምጣለን ያሉት ፕሬዚዳንቱ፥ አጭበርባሪዎች በኛ ዘንድ ስፍራ የላቸውም ብለዋል።

አሁን የሚደረገው የዳግም ምርመራም በ2016ቱ የሪዮ ኦሎምፒክ በሚሳተፉ አትሌቶች ላይ ያነጣጠረ መሆኑንም ፕሬዚዳንቱ ገልጸዋል።

የአበረታች መድሃኒት ችግር የታየባቸው 12 የአለም ኦሎምፒክ ማህበር አባል ሀገራት በቅርብ ቀናት ውስጥ ውጤቱ እንዲደርሳቸው ይደረጋልም ብለዋል።

አለም አቀፉ የኦሎምፒክ ኮሚቴ የፀረ አበረታች መድሃኒት እርምጃ መውሰድ የጀመረው ኬንያና ሩሲያ በቅርብ ወራት ውስጥ በወጣ ሪፖርት የዓለም ፀረ አበረታች መድሃኒቶች ህግን ጥሰው መገኘታቸውን ተከትሎ ነው።

 

 


ምንጭ፦ ቢቢሲ


 

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.