Top

19

በህዝቡ እንግዳ ተቀባይነት መደሰታቸውን ሻምፒዮናው ተሳታፊዎች ገለጹ

Sunday 8th of March 2015 03:57:55 PM  |  ETV Athletics

በኢትዮጵያውያን እንግዳ ተቀባይነትና የሆቴሎች መስተንግዶ መደሰታቸውን በ12ኛው የአፍሪካ ወጣቶች አትሌቲክስ ሻምፒዮና ተሳታፊዎችና የተለያዩ አገራት ተወካዮች ገለጹ።

ኢዜአ ያነጋገራቸው የተለያዩ አገራት አትሌቶች እንደተናገሩት የሆቴሎች መስተንግዶ፣ በህዝቡ እንግዳ ተቀባይነትና ውድድሩ በሚካሄድበት ስታዲየም ያለው ድባብና የህዝቡ ድጋፍ መደሰታቸውን ገልጸዋል።

የደቡብ አፍሪካ አትሌቲክስ ፌዴሬሽን ፕሬዝዳንት አሌክሰ ሆሳሀና በሆቴሎች ያየው መስተንግዶ  አስደሳች መሆኑን ተናግሯል።

"በውድድሩ የህዝቡ ያልተቋረጠና ማራኪ ድጋፍ እንዲሁም በከተማይቱ ያለው ፀጥታ አስደሳች ነው" ሲሉ አድናቆታቸውን ገልፀዋል።

የዚምባብዌ የአጭር ርቀት ተወዳዳሪ ባናሼ ማቹሩ በበኩሉ ''ኢትዮጵያን አገሬ ሆኜ ሳስባት እንደዚህ ውብ ትሆናለች የሚል ግምት አልነበረኝም" በማለት ነው ለኢትዮጵያ ያለውን አድናቆይ የተናገረው።

"የአየር ንብረቷ ትንሽ ከበድ ያለ ቢሆንም በህዝቡ እንግዳ ተቀባይነት፣ በሆቴሎች መስተንግዶና በምግቡ ጥራት በጣም ተደስቻለሁ"ብሏል።

አትሌቱ በከተማይቱ ያየው ነገር ደስታን ስለፈጠረለት በሌላ ጊዜ ተመልሶ ለመምጣት ማቀዱንም አስረድቷል።

በምትሄድበት ቦታ ሁሉ በምታገኘው መስተንግዶና በተለይም በአገሪቱ የአየር ንብረት መደሰቷን የገለጸችው ደግሞ የጋምቢያዋ የአጭር ርቀት ተወዳዳሪ አትሌት ፋዚስት ኤሮስ ነች።

የስፖርት ኮሚሽን ውድድሩ ከመጀመሩ በፊት ከተለያዩ የሆቴል አመራሮችና የምግብ ዝግጅት ባለሙያዎች ጋር የተደረገው ውይይት ለመስተንግዶው ማማር ዓይነተኛ ሚና መጫወቱን አስታውቋል።

የውድድሩ ተሳታፊዎች ባረፉባቸው 14  ሆቴሎች አስፈላጊውን መረጃ የሚሰጥ የሰው ኃይል ተመድቦ ተገልጋዮች ያለምንም ችግር ሲስተናገዱ ከርመዋል።

በአዲስ አበባ እየተካሄደ ያለው 12ኛው የአፍሪካ ወጣቶች አትሌቲክስ ሻምፒዮና በተለያዩ ውድድሮች ሲካሄድ ከርሞ የካቲት 29፣2007 ፍፃሜውን አግኝቷል።


 

                   


Save for Later/ በኋላ ለማንበብ ያስቀምጡ
   
Up vote :19     Down vote :0     Ajeb vote :19





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.