Top

20

ኮንሶ በአሁኑ ሰአት የጦር አውድማ ሆናለች!

Thursday 15th of September 2016 05:00:50 AM  |  Freedom 4 Ethiopian

ወያኔ የኮንሶ ነዋሪዎችን ከነቤታቸው በእሳት አቃጥሎ እየገደላቸው መሆኑ ተሰምቷል፡፡ ኮንሶ ውስጥ የሚሰሩ የመንግሥት ሰራተኞች ለ5 ወራት ደመወዛቸው አልተከፈላቸውም፡፡ ህዝቡ ካለፈው መጋቢት 2008 ዓ.ም. በወታደሮች እየተገደለ፣ እየታሰረና እየተፈናቀለ ነው፡፡ ከዚህ በደል ያመለጠ ቀየየውን ለቆ ወደ አጎራባች ኦሮሚያ ክልል ወረዳዎች እና ሌሎች አካባቢዎች እየተሰደደ ነው፡፡

ህዝቡ ይህ ሁሉ በደል እየደረሰበት ያለው ”ካለን የህዝብ ብዛት እና የቦታ ስፋት አንፃር ከልዩ ወረዳነት ወደ ዞን አስተዳደር በማደግ ራሳችንን እናስተዳድር” ብለው ሰዎቹ ፅፈው በሰጧቸው ሕገ-መንግሥት መሰረት ጥያቄ ሲያቀርቡ፤ ይብሱኑ ወደ ወረዳ አስተዳደር አሳነሳቸው፡፡ ይሄንን የአገዛዙን የኃይል ርምጃ በመቃወም ሰላማዊ ሰለፍ አደረጉ፡፡ ከዚያም በወታደሮች ግድያ፣ እስር፣ ስቃይና ስደት ዕጣ ፈንታቸው ሆነ፡፡ እነሆ ሰሞኑን ደግሞ የመብት ጥያቄውን አስተባብረዋል፣ ደግፈዋል፣…ተብለው በአገዛዙ የተጠረጠሩ፣ ከመጋቢቱ ግድያ፣ እስርና ስቃይ የተረፉትን ”መንግሥት” በያዝነው መስከረም 2009 ዓ.ም. ከነ መኖሪያ ቤታቸው ጋር አብሮ እያቃጠለ ሲሆን፤ ለማምለጥ የሞከሩት ደግሞ በወታደሮች ጥይት እየተገደሉ ነው፡፡

የሠራዊቱ ቁጥር እየተጨመረ ነው እስካሁን ከ2000 በላይ መከላከያ ከ1500 በላይ የደቡብ ክልል ልዩ ኃይል ከ100 በላይ የሠገን አካባቢ ህዝቦች ዞን ፖሊስ የፌዴራል መከላከያ ምክትል አዛዥ እና የክልሉ ፖሊስ ኮሚሽኑ አቶ ፊስሃ ጋረደው የሚመሩ ናቸው እስካሁን ድረስ ቃጠሎ ቀጥሏል የሞቱት ሰዎች ከ150 በላይ ሲሆን የቆሰሉ 200 በላይ በዛሬው ዕለት ብቻ የተቃጠሉ ቤቶች ከ159 በላይ ሲሆኑ ከ15,000 በላይ ሰዎች ከቤት ንብረታቸው ሲፈናቀሉ ፤ ከ50 በላይ ሰዎች ታስረዋል ፡፡ የአንድ ባለሀብት ንብረት የሆነው አይሱዙ መኪና በልዩ ኃይል መንገድ ላይ እየሄደ እያለ ጎማ በጥይት ተመትቶ ግለሰቡ አቶ አዲሱ ሙሉ እና የወንድሙ ልጅ ከወንድሙ ጋር አሳስረው ክፉኛ ተደብድበው በህይወት አፋፍ ላይ ናቸው ፡፡ ቤተሰቦቻቸው እንዳይጠይቋቸው ተከልክለዋል ፡፡ እስካሁን ተፈናቃዮችም ሆነ የታሰሩ ሰዎች የሚጠይቅ የመንግሥትም ሆነ ግብረ ሰናይ ድርጅቶች የሉም ፡፡

ይህ ግፍ ምናልባት በ21ኛው ክፍለ ዘመን ላይ ለመጀመሪያ ጊዜ በአለም ታሪክ በኢህአዴግ መንግሥት የጠፋ ብሔር ሆኖ ኮንሶን ሊያስመዘግብ ይችል ይሆናል ፡፡

14355142_877873255646464_878271172146213 14349126_636354039863263_1654501838_njp


                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.