NEWS /

Top

20

ድንገት የጣለው ዝናብ የአካታማ በረሃን ወደ ቱሪስት መስህብነት ቀይሯል

Tuesday 29th of August 2017 08:20:11 AM  |  Fana News


	  		ድንገት የጣለው ዝናብ የአካታማ በረሃን ወደ ቱሪስት መስህብነት ቀይሯል

አዲስ አበባ፣ ነሃሴ 23፣ 2009 (ኤፍ.ቢ.ሲ) በሰሜናዊ ቺሊ በሚገኘው የአካታማ በሀራ የጣለው ያልተጠበቀ ዝናብ አካባቢውን ልዩ የተፈጥሮ ውበት አላብሶታል።

ዝናቡ በአካባቢው ላይ የነበሩ እጽዋት የተለያየ ቀለማት ያላቸው አበባዎች እንዲያብቡ በማድረግ የአካባቢውን እይታ ሙሉ በሙሉ መቀየሩም ታውቋል።

በበረሃው ውስጥ የነበሩ ከ200 በላይ ዝርያ ያላቸው እጽዋቶች በዝናቡ ምክንያት እንደገና ማበብ መቻላቸውም ታውቋል።

acatama_2.jpg

የአካታማ በረሃ በዓለማችን ላይ ካሉ ደረቃማ ስፍራዎች ውስጥ በቀዳሚነት የሚጠቀስ ሲሆን፥ በዓመት የሚያገኘው ዝናብም በአማካኝ 15 ሚሊ ሜትር ብቻ ነው።

በበረሃው ላይ የሚያብቡ አበባዎች የአካታማ በረሃን ልዩ ውበት የሚለብሱት ሲሆን፥ በበረሃው ላይ እንዲህ አይነ ክስተት በ5 ዓመት ወይም በ7 ዓመት አንዴ ብቻ የሚከሰት ነው።

የአሁኑ ግን ለየት ያለ ነው የተባለ ሲሆን፥ አበባዎቹ እንደገና ለማበብ ሁለት ዓመት ብቻ ነው የወሰደባቸው ተብሏል።

እንደ አውሮፓውያኑ አቆጣጣር በ2015 በአካባቢው ላይ የጣለው በመጠኑ በዛ ያለ ዝናብ አካባቢውን በውብ አበቦች እንዲሞላ አድርጎት ነበር።

acatama_3.jpg

የአካታማ በሀራ በዝናብ መክንያት ያበቡት አበቦች አካባቢውን ወደ ቱሪስት ምስህብነት እንዲቀየር ማድረጋቸውም ተነግሯል።

ምንጭ፦ CGTN

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.