NEWS /

Top

20

የኮፐንሃገን ዩኒቨርሲቲ በቢዮንሴ ዘፈኖችና በህይወቷ ላይ ያተኮረ ትምህርት መስጠት ጀመረ

Monday 4th of September 2017 01:05:10 PM  |  Fana News


	  		የኮፐንሃገን ዩኒቨርሲቲ በቢዮንሴ ዘፈኖችና በህይወቷ ላይ ያተኮረ ትምህርት መስጠት ጀመረ

አዲስ አበባ፣ ነሐሴ 29፣ 2009 (ኤፍ.ቢ.ሲ) የዴንማርኩ ኮፐንሃገን ዩኒቨርሲቲ በቢዮንሴ ዘፈኖች ውስጥ ያሉ አስተሳሰቦችንና የህይወት ተሞክሮዋን ያካተተ ትምህርት መስጠት ጀምሯል።

በአሁኑ ወቅት 75 ተማሪዎች ትምህርቱን በመውሰድ ላይ ይገኛሉ ተብሏል።

ቢዮንሴ፣ ስርዓተ ፆታና ዘር የሚል ስያሜ የተሰጠውን የትምህርት ዓይነት ለመማር በርካታ ተማሪዎች ፍላጎት እንዳላቸው ተመላክቷል።

በትምህርት አሰጣጡ ላይም የቢዮንሴን ዘፈኖች በማዳመጥ የሚቀርብ የክዋኔ መድረክ ይካተትበታል ነው የተባለው።

በኮፐንሃገን ዩኒቨርሲቲ የሚያስተምሩት ፕሮፌሰር ኤሪክ ስቴንኮግ ከዳኒሽ ብሮድካስተር ጋር ባደረጉት ቆይታ የዘፋኟን ዜማዎች፣ ተንቀሳቃሽ ምስሎችና የመድረክ ክዋኔዎች ለተማሪዎቹ እንደሚያቀርቡላቸው ነው የተናገሩት።

በተለይም በቅድመ ምረቃ መርሃግብር የኪነጥበብና የባህል ጥናቶች ላይ ያተኮሩ የትምህርት አይነቶች በትምህርት ክፍሉ ተካተው ይቀርባሉ ነው ያሉት።

የቢዮንሴ ዘፈኖችና የሙዚቃ ቪዲዮዎቿ ከስርዓተ ፆታ፣ ከወሲባዊ ጉዳዮችና ከዘር አንፃር ትንታኔ እንደሚሰራባቸው እንደሚሰራባቸውም ጠቁመዋል።

የትምህርቱ አንደኛው ዓላማ በስካንዲኒቪያን ሀገራት ብዙ የማይታወቀውን የጥቁር ሴቶች የመብት አቀንቃኝ አስተሳሰቦችን ማስተዋወቅ ነው ብለዋል።

ቢዮንሴ የምትኖርበትን ዓለም በአግባቡ የተገነዘበችና ዝነኛ ዘፋኝ ስትሆን ዘመናዊነት ያመጣቸውን አስተሳሰቦችም ቀድማ የተረዳች ናት ይሏታል ፕሮፌሰር ኤሪክ ስቴንኮግ።

በዩኒቨርሲቲ ደረጃ በቢዮንሴ ላይ ያተኮረ ትምህርት ሲሰጥ የአሁኑ የመጀመሪያ አይደለም።

በአሜሪካ ኒውጀርሲ ግዛት የሚገኘው ሩትጌርስ ዩኒቨርሲቲ ቢዮንሴና ፖለተካዊ ሀሳቦቿ በሚል ትምህርት በሴቶችና ስርዓተ ፆታ ትምህርት ክፍል በ2014 ማስተማር መጀመሩ ይታወሳል።

ሩትጌርስ ዩኒቨርሲቲ በብሩስ ስፕሪንስቲን ዜማዎች ላይ ያተኮረ የስነመለኮት ትምህርትም እየሰጠ ይገኛል።

የጆርጅ ታውጅን ዩኒቨርሲቲ ደግሞ የሂፕ-ሃፕ ስነ ማህበራዊነት ጥናት እና የጄይ ዚ የከተማ እሳቤዎች የሚሉ ትምህርቶችን እየሰጠ ይገኛል።

በ1980ዎቹ በአሜሪካ በማዶና ላይ ያጠነጠኑ ትምህርቶች ይሰጡ እንደነበር ተነግሯል።

 

 

 

 

 

ምንጭ፦ ቴሌግራፍና ቢቢሲ

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.