NEWS /

Top

20

የቻይናው ጉዋንዡ ክለብ ድል ቢቀናኝ ብሎ የስታዲየሙን ቀለም ቀይሯል

Wednesday 16th of August 2017 09:10:07 AM  |  Fana News


	  		የቻይናው ጉዋንዡ ክለብ ድል ቢቀናኝ ብሎ የስታዲየሙን ቀለም ቀይሯል

አዲስ አበባ፣ ነሃሴ 10፣ 2009 (ኤፍ.ቢ.ሲ) በቻይና ሱፐር ሊግ የሚጫወተው ጉዋንዡ አር ኤንድ ኤፍ የእግር ኳስ ክለብ መልካም እድል እንዲገጥመው በማሰብ ስታዲየሙን በወርቃማ ቢጫ ቀለም መቀባቱ ተሰምቷል።

ስታዲየሙ ለረጅም አመታት ሰማያዊ ቀለምን ይጠቀም የነበረ ሲሆን፥ የቀለም ለውጡ እንዳሰበው እደለኛ እንዳደረገው ክለቡ አስታውቋል።

ክለቡ ከሚያዚያ 12 ጀምሮ እስከ ሀምሌ ወር ድረስ በሜዳው ባደረጋቸው ጨዋታዎች ማሸነፍ የቻለው አንዱን ብቻ ነበር።

ይህም ከእድል ጋር የተያያዘ መሆኑን የገመተው የጉዋንዡ አር ኤንድ ኤፍ የእግር ኳስ ክለብ፥ በአጠቃላይ ስታዲየሙ እና በዙሪያው ያሉ ነገሮች በቢጫ ቀለም እንዲቀቡ ይወስንና ወደ ስራ ይገባል።

ውሳኔውን የበለጠ አስገራሚ የሚያደርገው ክለቡ ባለፈው አመት ለስታዲየሙ እድሳት ሲያደርግ ከተጫዋቾቹ መለያ ጋር ተመሳሳይ ለማድረግ ስታዲየሙን በሙሉ ሰማያዊ ቀለም መቀባቱ ነው።

gold-stadium-feng-shui3-750x450.png

ጉዋንዡ ከሚያዚያ ወር አንስቶ በሜዳው ያሸነፈው አንድ ጨዋታ ብቻ መሆኑ ደጋፊዎቹን ያበሳጨ ሲሆን፥ የክለቡ አመራሮችም የውጤት ማጣቱ ከእድል መራቅ ጋር የተያያዘ መሆኑን በመረዳት መፍትሄ ሲዘይዱ የስታዲየሙን ቀለም ለመቀየር ይወስናሉ።

ስታዲየሙ ምሉዕነትን እና ስኬትን በሚያሳየው ቢጫ ቀለም እንዲዋብም ያደርጋሉ።

በሀምሌ ወር አጋማሽም መቀመጫዎቹን ጨምሮ የስታዲየሙ ወለሎች በሙሉ በወርቃማ ቢጫ ቀለም ይቀባሉ።

በዚህም እንደታሰበው እድል ወደ ጉዋንዡ ተመልሳ ክለቡ በሜዳው ማሸነፍ ይጀምራል።

gold-stadium-feng-shui-750x500.jpg

ክለቡ ያለፉትን አራት የቻይና ሱፐር ሊግ ጨዋታዎችን በጥቂቱ አራት ግቦችን እያስቆጠረ በማሸነፍ በሊጉ ሶስተኛ ደረጃ ላይ ተቀምጧል።

ጉዋንዡ አር ኤንድ ኤፍ የከተማ ተቀናቃኙን ጉዋንዙ ኤቨርግራንዴ ማነሸፉም ከዚሁ ከስታዲየሙ የቀለም ለውጥ ጋር ተያይዞ የመጣ ሊሆን ይችላል ተብሏል።

ክለቡም ከዚህ ስኬቱ ጀርባ የስታዲየሙ ቀለም ለውጥ እንዳለ አልሸሸገም።

የክለቡ አሰልጣኝ ድራገን ስቶጅኮቪች፥ “የስታዲየሙ ቀለም ከተለወጠ በኋላ አምስት ጨዋታዎችን በሜዳችን ማሸነፍ ችለናል፤ ወርቃማ ቢጫ ቀለሙ በጣም ምርጥ ነው ፤ ከእንግዲህ መቀየር አይጠበቅብንም” ብለዋል።

 

 

ምንጭ፦ www.odditycentral.com/

 

 

 

በፋሲካው ታደሰ

 

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.