NEWS /

Top

20

አዛውንቷ በ103 ዓመት የልደት ቀናቸው የህይወት ዘመን ነጻ የአውቶብስ ጉዞ ትኬት ተሸልመዋል

Monday 21st of August 2017 01:35:12 PM  |  Fana News


	  		አዛውንቷ በ103 ዓመት የልደት ቀናቸው የህይወት ዘመን ነጻ የአውቶብስ ጉዞ ትኬት ተሸልመዋል

አዲስ አበባ፣ ነሐሴ 15፣ 2009 (ኤፍ ቢ ሲ) አዛውንቷ በ103ኛ ዓመት የልደት ቀናቸው የህይወት ዘመን ነጻ የአውቶብስ ጉዞ ትኬት ተሸልመዋል፡፡

በአሜሪካ ፍሎሪዳ ግዛት የሚኖሩት ባርባራ ሪጌል በትንሹ በሳምንት አራት ቀን ወደ አምልኮ ስፍራ ይሄዳሉ፡፡

ከቤታቸው ርቆ ወደሚገኘው የአምልኮ ስፍራ የሚጓዙት አውቶብስ ጠብቀው ነው፡፡

አዛውንቷ ባርባራ ሪጌል አሁን እድሜያቸው 103 ዓመት ደርሶ የልደት ቀናቸውን አክብረዋል፡፡

ታዲያ ከሰሞኑ የልደት ቀናቸውን ሲያብሩ ከመጣላቸው የደስታ መግለጫ ስጦታዎች ውስጥ የሕይወት ዘመን ነጻ የአውቶብስ ጉዞ ትኬት ይገኝበታል፡፡

"በየእለቱ ጧት ተነስቼ ወደ ወደ አምልኮ ቦታ እሄዳለሁ፤ በዚህም ደስታ ይሰማኛል፤ ውስጤ ጠንካራ ነው፤ እርጅናየ ፈፅሞ ትዝ ብሎኝ አያውቅም" ይላሉ፡፡

ሪጌል በሚኖሩበት ግቢ ውስጥ ያለውን የአበባ ተክል ሲንከባከቡ ነው ውሏቸውን የሚያሳልፉት፡፡

በየእለቱ አውቶብስን መርጠው ከቦታ ቦታ የሚንቀሳቀሱ ቢሆንም፥ የክፍያው መጨመር አሳስቧቸው እንደነበር ይናገራሉ፡፡

ይህን የሰማው የፒነላስ ሰንኮስት የትራንስፖርት መስሪያ ቤት በሚሰጠው መጓጓዣ አገልግሎት፥ አዛውንቷ ቋሚ ተጠቃሚ በመሆናቸው የህይወት ዘመን ነጻ የአውቶብስ ጉዞ ትኬትን በልደት ቀናቸው ሸልሟቸዋል፡፡

ሪጌል ሽልማቱ በጣም እንዳስደሰታቸውና ገንዘባቸውን ለመቆጠብ እንዳገዛቸው ይናገራሉ፡፡

የትራንስፖርት መስሪያ ቤቱ ዋና ስራ አስፈፃሚ ብራድ ጊለር፥ የአካባቢውን ሰዎች በተለይም በእርጅና ምክንያት ራሳቸው ተሸከርካሪ መንዳት የማይችሉትን በማጓጓዛችንና የነጻ አገልግሎት በመስጠታችን ኩራት ይሰማናል ብለዋል፡፡

አዛውንቷ ሪጌል ሁልጊዜ በአውቶብስ ሲሳፈሩ እርዳታ ያደረጉላቸውን ሰዎች እንደሚያሳታውሱና ቀጣይ ጊዜያቸውን ብሩህና ደስተኛ ለማድረግ እንደሚጥሩ በተስፋ ተናግረዋል፡፡

 

 

 

 

ምንጭ፡- www.baynews9.com

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.