NEWS /

Top

20

በአንታርቲካ የ100 አመት እድሜ ያለውና “ሊበላ የሚችል” ኬክ ተገኝቷል

Monday 14th of August 2017 07:30:13 AM  |  Fana News


	  		በአንታርቲካ የ100 አመት እድሜ ያለውና “ሊበላ የሚችል” ኬክ ተገኝቷል

አዲስ አበባ፣ ነሃሴ 8፣ 2009 (ኤፍ.ቢ.ሲ) የአንድ ምዕተ አመት እድሜ ያለው ኬክ በአንታርክቲካ ጥንታዊ ህንፃ ውስጥ መገኘቱ ተሰማ።

ኬኩ አሁንም “ሊበላ የሚችል” መሆኑም ነው የተነገረው።

ይህ ባለ ረጅም እድሜ ኬክ ብሪታያዊው ሮበርት ፋልከን ስኮት እንደ አውሮፓውያኑ አቆጣጠር ከ1910 እስከ 1913 ወደ አንታርክቲካ “ቴራ ኖቫ” የተሰኘ አሰሳ ሲመራ የተሰራ ሳይሆን አይቀርም ተብሏል።

ምንም እንኳን ኬኩ የተጠቀለለበት ወረቀት ቢቀደድም ውስጥ ያለው ኬክ “አሁንም የኬክ ሽታውን አልለቀቀም፤ ሊበላ የሚችል ነው” ብሏል የአንታርቲካ ሄሪቴጅ ትረስት።

ኬኩ እና የተጠቀለለበት ወረቀት ወደ ኒውዝላንድ ካንተርበሪ ቤተ ሙከራ የተወሰዱ ሲሆን፥ በቤተ ሙከራው ከ1 ሺህ 500 በላይ የአንታርቲካ ሄሪቴጅ ትረስት ቅርሶች ጥበቃ እየተደረገላቸው ነው።

“ቴራ ኖቫ” የተሰኘው አሰሳ የደቡብ ንፍቀ ክበብ ላይ መድረስ እና ጥናት ማድረግ ዋነኛ አላማው እንደነበር ይነገራል።

ሮበርት ፋልከን ስኮት ሁለት አሰሳዎችን የመራ ሲሆን በመጀመሪያው ከ1901 እስከ 1903 ምስራቃዊ አንታርክቲካ ድረስ ዘልቋል።

ስኮት እና አብረውት የተጓዙ አሳሾች እንደ አውሮፓውያኑ ጥር 17 1912 ደቡባዊ ንፍቀ ክበብ የደረሱ ሲሆን፥ ከጉዟቸው መልስ አንታርክቲካ በአንድ ወቅት በደን የተሸፈነ እና ከሌላው አለም ጋር የተገናኘ መሆኑን የሚያሳዩ ቅሪቶችን አግኝተዋል።

ሁሉም የጉዞው አባላት ከደቡባዊ ንፍቀ ክበብ አሰሳቸው ሲመለሱ በመጋቢት 1912 ባጋጠማቸው የምግብ እጥረት እና ከባድ የአየር ሁኔታ ህይወታቸው አልፏል።

 

 

 


ምንጭ፦ http://news.sky.com/

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.