NEWS /

Top

20

ለፓርኪንግ አልከፍልም ያለችው አሽከርካሪ መኪናዋን ጣራ ላይ አግኝታዋለች

Thursday 24th of August 2017 09:35:13 AM  |  Fana News


	  		ለፓርኪንግ አልከፍልም ያለችው አሽከርካሪ መኪናዋን ጣራ ላይ አግኝታዋለች

አዲስ አበባ ፣ ነሃሴ 18 ፣ 2009 (ኤፍ ቢ ሲ) በቻይና ሊያወኒንግ ግዛት በምትገኘው የቤንክሲ ከተማ ነዋሪ የሆነችው ግለሰብ ለፈጸመችው ድርጊት ተመጣጣኝ ቅጣት አግኝታለች።

ግለሰቧ በከተማዋ በሚገኝ የመኖሪያ አፓርታማ ነዋሪ ስትሆን፥ በፈጸመችው ድርጊት የአካባቢውን ነዋሪዎች አስቆጥታለች።

ወደ ቤቷ ስትገባ ተሽከርካሪዋን በህገ ወጥ መንገድ አላግባብ ታቆማለች፤ በዚህ ሳቢያም ወደ መኖሪያ አፓርታማው የሚያስገባውን መንገድ ትዘጋለች።

የአፓርታም መግቢያ ላይ የሚገኙ ጥበቃዎችም ተሽከርካሪዋን ላቆመችበት የፓርኪንግ ክፍያ ትፈጽም ዘንድ ቢጠይቋትም አሻፈረኝ ትላለች።

ከዚህ ባለፈም በዚያ ስፍራ ተሽከርካሪ ማቆሟ አግባብ አለመሆኑን በመንገር እንድታነሳና ህጉን ለተላለፈችበት ክፍያ ብትጠየቅም አልከፍልም በማለት መኪናዋን እዛው አቁማ ትሄዳለች።

ግለሰቧ ለ38 ሰዓታት ነበር ተሽከርካሪዋን ተገቢ ባልሆነ ሁኔታ በማቆም ወደ ቤቷ ያቀናችው።

blazing_row.jpg

የመኖሪያ አፓርታማው አስተዳደርም ተሽከርካሪዋ ከቆመችበት ስፍራ ለማንሳትና ግለሰቧን ተመጣጣኝ ቅጣት ለመቅጣት የመኪና ማንሻ ክሬን በመጥራት መኪናዋ እንድትነሳ ያደርጋል።

መኪናዋን ከነበረችበት ቦታ በማንሳትም ጣራ ላይ እንድትሰቀል ያደርጋል።

ይህን የተመለከተችው የተሽከርካሪዋ ባለቤትም ከህንጻ አስተዳደሩ ጋር በመነጋገር ችግሩን በሰላም ፈታለች።

ያ ከመሆኑ በፊት በሰላም ክፈይ ስትባል አላደርገውም ያለችውን ክፍያና ቅጣትም ከፍላለች።

ያንን ካደረገች በኋላም ተሽከርካሪዋን ባቆመችበት ስፍራ አቅራቢያ እንዳተገኛት ተደርጓል።

 

 


ምንጭ፦ ደይሊ ሜይል

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.