NEWS /

Top

20

የንግድ ባንክ ተቀማጭ ገንዘብ ከ288 ቢሊየን ብር በላይ ደርሷል

Wednesday 21st of September 2016 08:47:14 AM  |  Fana News

 የንግድ ባንክ ተቀማጭ ገንዘብ ከ288 ቢሊየን ብር በላይ ደርሷል

 የኢትዮጵያ ንግድ ባንክ ተቀማጭ ገንዘቡ ከ288 ቢሊየን ብር በላይ ደርሷል።ባንኩ በተያዘው በጀት አመትም የተቀማጭ ገንዘቡን ወደ 352 ቢሊየን ብር የማድረስ እቅድ እንዳለው ይፋ አድርጓል።

ይህንን እቅዱን ከግብ ለማድረስ እና ወደ ባንኩ የሚመጣውን ህብረተሰብ ቁጥር ለማሳደግ የተለያዩ የግንዛቤ ማስጨበጫዎችን ለመስራት መዘጋጀቱን የባንኩ የህዝብ ግንኙነት ስራ አስኪያጅ አቶ ኤፍሬም መኩሪያ ተናግረዋል።

ከዚህም ባለፈ ባንኩ ለደንበኞቹ በቴክኖሎጂ የታገዘ እና ቀልጣፋ አገልግሎት ለመስጠት በዚህ አመት ተጨማሪ 1 ሚሊየን የኤ ቲ ኤም ካርዶችን ለተጠቃሚዎች እሰጣለሁ ብሏል።

ከ2 ሺ በላይ በሚሆኑ የሽያጭ ማእከላት ላይም የግብይት ማሽኖች የሚሰራጩ ይሆናል ነው ያሉት ስራ አስኪያጁ።

በዚህ አመት አዲስ የሂሳብ ደብተር የሚከፍቱ ተጠቃሚዎችን ቁጥር ከ2 ሚሊየን በላይ ለማድረስ መታቀዱን ያነሱት አቶ ኤፍሬም፥ በውጭ ሀገር ገንዘብ ግኝት ረገድም ባንኩ በዚህ አመት ከ6 ነጥብ 2 ቢሊየን የአሜሪካ ዶላር በላይ ለማግኘት እየተንቀሳቀሰ መሆኑን ጠቁመዋል።

ባንኩ በየአመቱ የማበደር አቅሙ እየጨመረ መምጣቱንና በዚህ አመትም 93 ነጥብ 8 ቢሊየን ብር ለማበደር መዘጋጀቱንም ነው የገለጹት።

የኢትዮጵያ ንግድ ባንክ በ2009 በጀት አመት ከ18 ነጥብ 7 ቢሊየን ብር በላይ ትርፍ የማግኘት ግብ አለው።

 

 


                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.