NEWS /

Top

20

ከአሜሪካ ፕሬዚዳንቶች የማይለየው ሚስጢራዊ ጥቁር ቦርሳ!!

Thursday 29th of September 2016 12:27:28 PM  |  Fana News

 ከአሜሪካ ፕሬዚዳንቶች የማይለየው ሚስጢራዊ ጥቁር ቦርሳ!!

 “ኒዩክሌር ፉትቦል” የሚል መጠሪያ የተሰጠው ጥቁር የቆዳ ቦርሳ ከባድ ሚስጢሮችን ይዞ የአሜሪካ ፕሬዚዳንቶች በተጓዙበት አብሮ ይንቀሳቀሳል።

የፕሬዚዳንቱ የአስቸኳይ ጊዜ ቦርሳ በሚል በይፋ የሚታወቀው ይህ ቦርሳ ከአምስቱ ባንዱ የዋይት ሀውስ ወታደራዊ አዛዦች በአንዱ ነው የሚያዘው።

የቀድሞው የዋይት ሀውስ ወታደራዊ ቢሮ ዳይሬክተር ቢል ጉሊ፥ ፕሬዚዳንቱ ባሉበት የማይጠፋው “ፉትቦል” አራት ነገሮችን መያዙን ይናገራሉ።

የመጀመሪያው የኒዩክሌር ሙከራ አፃፋዊ ምላሾችን የያዘና በጥቁር እና ቀይ ቀለም የተፃፈ ባለ 75 ገፅ ጥቁር መፅሃፍ ነው።

ሌላኛው ጥቁር መፅሃፍ ደግሞ ፕሬዚዳንቱን ለማሳረፍ የተመረጡ ልዩ ልዩ ቦታዎችን የሚያሳይ ነው።

የአደጋ ጊዜ መውጪያ መንገዶችን የሚጠቁም 10 ገፆች ያሉት አነስተኛ ዶሴም ሶስተኛው ክፍል ነው።

መለያ ቁጥሮች ያሉት መረጃ ጠቋሚ ካርድም በቦርሳው ውስጥ ይገኛል።

የተገጠመለት አንቴናም ምናልባትም ቦርሳው ውስጥ የመገናኛ መሳሪያ ሊኖር እንደሚችል ያመለክታል።the_nuclear_football2jpg

የቀድሞ የአሜሪካ የመከላከያ ሚኒስትር ሮበርት ማክናማር ቦርሳው “ፉትቦል” የሚለው ስያሜ የተሰጠው “ድሮፕኪክ” ከሚል የኒዩክሌር ጦርነት እቅድ ሚስጢራዊ ስያሜ በመነሳት መሆኑን ተናግረው ነበር።

 

ይህን ቦርሳ የሚይዙ ወታደራዊ አዛዦች ፕሬዚዳንቱን በደቂቃዎች ከሚደርሱ የኒዩክሌር ጥቃቶች በአፋጣኝ ለማዳን የሚያስችል ስልጠና የወሰዱ ናቸው።

በፕሬዚዳንት ቢል ክሊንተን የስልጣን ዘመን “ፉትቦል”ን ይይዙ የነበሩት ሮበርት ፓተርሰን “ዘና የሚል ስሜት እንዲሰማኝ ሁሌም ቦርሳውን እከፍተዋለሁ፤ በውስጡ ምን እንዳለው ማወቅም ያጓጓል፤ ፕሬዚዳንቱ የሚያሳልፏቸው ትልልቅ ውሳኔዎችም በቦርሳው ውስጥ ነው የሚቀመጡት” ሲሉ ለአሶሼትድ ፕረስ ተናግረዋል።

የአሜሪካ ፕሬዚዳንቶች በሚጓዙበት አውሮፕላን፣ ሄሊኮፕተር፣ መኪና እና አሳንስር አብሮ የሚንቀሳቀሰው “ፉትቦል”፥ ፕሬዚዳንቱ ቤታቸው ውስጥ ሲሆኑ ብቻ ነው ራቅ ብሎ በዋይት ሀውስ ደህንነቱ በተጠበቀ ስውር ቦታ የሚቀመጠው።

የቆዳ ቦርሳው በፕሬዚዳንት ኬኔዲ አስተዳደር ነበር በ1962 ለመጀመሪያ ጊዜ የታየው።

ከ54 አመታት በኋላም “ፎትቦል” አሁንም ወሳኝ ወታደራዊ ሀላፊነት ተሸክሞ የሀገሪቱ ፕሬዚዳንት በተጓዘበት ሁሉ አብሮ ማምራቱን ቀጥሏል።

ምንጭ፦ www.businessinsider.com/

 

 



                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.