NEWS /

Top

20

ፊላዴልፊያ ጎዳናዎቿን ንጹህ ለማድረግ ሽንትን መልሶ ግለሰቡ ላይ የሚረጭ ቀለም በሙከራ ደረጃ ጥቅም ላይ አዋለች

Wednesday 21st of September 2016 08:47:50 AM  |  Fana News

ፊላዴልፊያ ጎዳናዎቿን ንጹህ ለማድረግ ሽንትን መልሶ ግለሰቡ ላይ የሚረጭ ቀለም በሙከራ ደረጃ ጥቅም ላይ አዋለች

የአሜሪካዋ ፊላዴልፊያ ከተማ ሽንትን መልሶ ግለሰቡ ላይ የሚረጭ የግድግዳ ቀለም በሙከራ ደረጃ ጥቅም ላይ ማዋሏ ተሰምቷል።

የከተማዋ ትራንዚት ኤጀንሲ ይህን ቴክኖሎጂ እንዲጠቀም ያስገደደው ከከተማ ጽዳት ጋር ተያይዘው የሚነሱ ችግሮችን ለመቅረፍ ነው ተብሏል።

የደቡብ ፔንሲልቫኒያ ትራንስፖርት ባለስልጣን ቀለሙን በከተማዋ ህዝብ በሚሰበሰብበት ስፍራዎች ላይ በሙከራ ደረጃ ጥቅም ላይ ያዋለ ሲሆን፥ “አልትራ ኤቨር ድራይ /Ultra-Ever Dry/” የቀለሙ መጠሪያ ነው።

በመንገድ ዳር ቆሞ የሚሸና ሰው ሽንቱን በሚሸናበት ጊዜ ይህን ቀለም የተቀባው ግድግዳ ሽንቱ ተመልሶ ወደ ግለሰቡ እንደረጭ ያደርጋል ነው የተባለው።

የደቡብ ፔንሲልቫኒያ ትራንስፖርት ባለስልጣን አንድሬው ቦሰች፥ በጎዳናዎች ላይ ከንጽህና ጋር ተያይዘው የሚነሱ ቅሬታዎች የተለመዱ ናቸው፤ ሰራተኞቻችንም በየእለቱ ከማጽዳት በተጨማሪ ይህንን ችግር ለመቅረፍ የተለያዩ ሙከራዎችን እያደረጉ ነው ብለዋል።

“እስካሁን ሽንት ተመልሶ የሚሸናው ሰው ላይ እንዲረጭ የሚያደርገው የግድግዳ ቀለም በአሜሪካ ሳንፍራንሲስኮ እና በጀርመን ሀምበርግ ከተሞች ህዝብ በሚበዛባቸው ስፍራዎች ላይ ጥቅም ላይ ውለዋል” ይላሉ ቃል አቀባዩ።

“ከእነዚህ ከተሞች እንደተረዳነው ከሆነ የተሻሉ ለውጦች አሉ፤ እኛም ይህን በከተማችን ተግባራዊ በማድረግ በጽዳት በኩል የሚነሱ ቅሬታዎችን ለማስቀረት አስበናል” ብለዋል።

በፊላዴልፊያ እንደ ሳንፍራንሲስኮ ሁሉ በአደባባይ ላይ መሽናት ህገ ወጥ ተግባር ሲሆን፥ በአደባባይ ላይ ሲሸና የተያዘ ሰው በ300 የአሜሪካ ዶላር እንዲቀጣ ያደርጋል።

ሆኖም ግን ሰዎች ከዚህም አልፎ በየአደባባዩ ሲፀዳዱ ይስተዋላል የሚሉት ቃል አቀባዩ፥ ይህንን ለመከላከልም ሽንት መልሶ የሚረጨውን ቀለም በስፋት በየመንገድ ዳር ያሉ ግድግዳዎች ላይ ለመቀባት ወስነናል ብለዋል።

ቀለሙን ለመቀባት የሚፈጀው ወጪ አነስተኛ በመሆኑም በቀላሉ የአካባቢያችንን ንጽህና ለመጠበቅ ያስችላል ሲሉ ይናገራሉ።

ምንጭ፦ www.yahoo.com

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.