NEWS /

Top

20

የአውሮፓ ሻምፒየንስ ሊግ የምድብ የመጀመሪያ ጨዋታዎች ዛሬ ምሽት ይጀምራሉ

Tuesday 12th of September 2017 12:55:07 PM  |  Fana News

የአውሮፓ ሻምፒየንስ ሊግ የምድብ የመጀመሪያ ጨዋታዎች ዛሬ ምሽት ይጀምራሉ

አዲስ አበባ፣ መስከረም 2፣ 2010 (ኤፍ ቢ ሲ) የአውሮፓ ሻምፒየንስ ሊግ የምድብ የመጀመሪያ ጨዋታዎች ዛሬ ምሽት ይካሄዳሉ፡፡

ዛሬ ከሚደረጉ ስምንት ጨዋታዎች መካከል ባርሴሎና ከዩቬንቱስ በካምፕ ኑ የሚያደርጉት ግጥሚያ ይጠበቃል።

ባርሴሎና ወደ ቀደመ አቋሙ እየተመለሰ ሲሆን፥ በላሊጋው ሁሉንም ጨዋታዎች አሸንፎ ከተቀናቃኙ ሪያል ማድሪድ በ4 ነጥብ ርቀት እየመራ ይገኛል፡፡

በምርጥ አቋም ላይ የሚገኙት የሊዮኔል ሜሲ፣ ሉዊስ ሱዋሬዝና ኡስማን ዴምቤሌ ጥምረትም፥ ለጠንካራው የዩቬንቱስ የተከላካይ ክፍል ፈተና ይሆናል ተብሎ ይጠበቃል፡፡

ማሪዮ ማንዙኪች፣ ጆርጂዮ ኪሊኒ፣ ሳሚ ከዲራ እና ክላውዲዮ ማርኪሲዮ በጉዳት፥ ኩዋድራዶ በቅጣት በዛሬው ጨዋታ ለዩቬንቱስ አይሰለፉም፡፡

በምድብ 4 ሌላኛው ጨዋታ በኦሎምፒያኮስና ስፖርቲንግ ሊዝበን መካከል ይደረጋል፡፡

በምድብ አንድ ማንችስተር ዮናይትድ በኦልድትራፎርድ የሲውዘርላንዱ ባዜልን ያስተናግዳል፡፡

ፊል ጆንስና ኤሪክ ባይ በቅጣት ከቡድኑ ውጪ ሲሆኑ ክሪስ ስሞሊንግና ሌንዴሎፍ ይተኳቸዋል ተብሎ ይጠበቃል፡፡

ሌላኛው የምድቡ ጨዋታ በቤኒፊካ እና ሲ ኤስ ኬ ኤ ሞስኮ መካከል ይደረጋል፡፡

በምድብ 3 በሴልቲክ ፓርክ ስታዲየም ሴልቲክ እና ፒ ኤስ ጂ የሚያደርጉት ጨዋታ ከፍተኛ ግምት አግኝቷል፡፡

በፒ ኤስ ጂ በኩል አስፈሪው የኔይማር፣ ካቫኒ እና ኪሊያን ምባፔ ጥምረት፥ ለስኮትላንዱ ክለብ ፈታኝ እንደሚሆን ተገምቷል፡፡

በምድቡ ባየር ሙንሺን ከአንደርሌክት በአሊያንዝ አሬና ይፋለማል፡፡

ዳግም ወደ ሻምፒየንስ ሊጉ የተመለሰው ቸልሲ፥ በምድብ 3 የመጀመሪያ ጨዋታውን ከአዘርባጃኑ ካራባህ ጋር በስታንፎርድ ብሪጅ ያደርጋል፡፡

ሮማ ከአትሌቲኮ ማድሪድ የምድቡ ተጠባቂ ጨዋታ ነው፡፡

ሁሉም ጨዋታዎች ከምሽቱ 3 ከ 45 ይጀምራሉ፡፡

 

 

 

 

 

 

በዘላለም ተፈሪ

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.