NEWS /

Top

20

የሰውነት ክፍሎቿን የለገሰቸው ታዳጊ የ8 ሰዎችን ህይወት ታድጋለች

Tuesday 12th of September 2017 09:05:08 AM  |  Fana News

የሰውነት ክፍሎቿን የለገሰቸው ታዳጊ የ8 ሰዎችን ህይወት ታድጋለች

አዲስ አበባ፣ መስከረም 2፣ 2010 (ኤፍ.ቢ.ሲ) በአእምሮ ውስጥ ባጋጠማት የጤና እክል ምክንያት ሀይወታ ያለፈው የ13 ዓመት ታዳጊ የሰውነት ክፍሎቿን በመለገሷ የስምንት ሰዎችን ህይወት ታድጋለች።

ጀሚማ ላይዜል የተባለችው ታዳጊ በእንግሊዝ ሶመርሴት ነዋሪ የነበረች ሲሆን፥ እንደ አውሮፓውያኑ አቆጣጣር በ2012 በአእምሮ ውስጥ ደም መፍሰስ ችግር ነበር ህይወቷ ያለፈው።

ጀሚማ በወቅቱም ልቧ፣ ጣፊያዋ፣ ሳምባዎቿ፣ ኩላሊቶቿ፣ አነስኛ አንጀቷ እና ጉበቷ ለሌሎች እንዲለገስ አስደርጋ ነበር።

ታዲያ ጀሚማ በወቅቱ የለገሰቻቸው የሰውነት ክፍሎቿ በአሁኑ ጊዜ የስምንት ሰዎችን ህይወት ታድጓል ነው የተባለው።

የጀሚማ ቤተሰቦች ልጃቸው አስተዋይ፣ ቀልጣፋ እና ከፍተኛ የፈጠራ ችሎታ እንዳላት የተናገሩ ሲሆን፥ አካሎቿን በመለገስ የሰዎችን ህይወት በመታደግ የሰራቸው ስራም እንደሚያኮራቸው ተናግረዋል።

የእንግሊዝ ብሄራዊ የደም እና የንቅለ ተከላ ተቋም እንዳስታወቀው፥ እስካሁን በርካታ የሰውነት ክፍሉን በመለገስ ይህንን ሁሉ ሰው በአንድ ጊዜ ሊታደግ የቻለ የለም፤ ጀሚማ የመጀመሪያዋ ነች ብሏል።

ጀሚማ የእናቷን 38ኛ ዓመት የልደት በዓል ለማክበር በዝግጀት ላይ እያሉ በድንገት በመውደቋ ነበር ወደ በሪስተል ሮያል ሆስፒታል ከተወሰደች በአራተኛ ቀኗ ህይወቷ ያለፈው።

ታዲያ ጀሚማ በገባቸው ቃል መሰረት የሰውነት ክፍሎቿ ተወስደው ለሚፈልጉ ሰዎች በንቅለ ተከላ እንዲተላለፍላቸው ተደርጓል።

በዚህም መሰረት ልቧ፣ አነስተኛ አንጀቷ እና ጣፊያዋ ለሶስት የተለያዩ ሰዎች በንቅለ ተከለ የተላለፈ ሲሆን፥ ሁለት ሰዎች ደግሞ ኩላሊቶቿን ወስደዋል።

ጉበቷ ለሁለት እንዲሰነጠቅ ከተደረገ በኋላ ለሁለት ሰዎች ተሰጥቷል እንዲሁም ሳንባዎቿ ለአንድ ሰው መተላለፉም ነው የተነገረው።

የጀሚማን የሰውነት ክፍሎች በንቅለ ተከላ ያገኙት ሰዎችም በሙሉ ጤንነት ላይ እንደሚገኙ ነው የተነገረው።

ምንጭ፦ www.bbc.com

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.