NEWS /

Top

20

ወደ ቡሬ የተቀናጀ አግሮ ኢንዱስትሪ ፓርክ የሚገቡ ባለሃብቶችን የማዘጋጀት ስራ ተጀምሯል

Tuesday 12th of September 2017 04:20:09 PM  |  Fana News

ወደ ቡሬ የተቀናጀ አግሮ ኢንዱስትሪ ፓርክ የሚገቡ ባለሃብቶችን የማዘጋጀት ስራ ተጀምሯል

አዲስ አበባ፣ መስከረም 2፣ 2010 (ኤፍ.ቢ.ሲ) የቡሬ የተቀናጀ አግሮ ኢንዱስትሪ ፓርክ ግንባታ ከማካሄድ ጎን ለጎን በፓርኩ የሚገቡ ባለሃብቶችን የማዘጋጀት ስራ መጀመሩን የክልሉ ኢንዱስትሪ ፓርኮች ልማት ኮርፖሬሽን አስታወቀ።

የኮርፖሬሽኑ ምክትል ዋና ስራ አስፈፃሚ አቶ ኪዳኔ ምስክር እንዳስታወቁት ፓርኩን በዚህ ዓመት መጨረሻ ስራ ለማስጀመር የተለያዩ የግንባታ ስራዎች እየተከናወኑ ይገኛሉ።

እስከ አሁን በተደረገው እንቅስቃሴም የፓርኩ ዲዛይን አለም አቀፍ ደረጃውን ጠብቆ እንዲሰራ የማድረግና የወሰን ማስከበር ስራው መጠናቀቁን ተገልጿል።

እንዲሁም ለቢሮ፣ ለመመገቢያ፣ ለመኝታ፣ ለመጋዝንና መሰል አገልግሎቶች የሚውሉ 13 ብሎኮችን የያዘ የካምፕ ግንባታ ሙሉ በሙሉ መጠናቀቁን ተነግሯል።

የካምፑን የውስጥ ለውስጥ የ10 ኪሎ ሜትር የአስፓልት መንገድ፣ የፍሳሽ ማስወገጃ፣ የመብራት፣ የውሃ፣ መስመር ዝርጋታና ሌሎች የመሰረተ ልማቶችን ከ700 ሚሊዮን ብር በሚበልጥ በጀት ለማከናወን የጨረታ ውል መሰጠቱንና መስከረም መጨረሻ ስራ እንደሚጀመር አቶ ኪዳኔ ጠቁሟል።

ወደ ፓርኩ ቀድመው ለሚመጡ ባለሃብቶችም ለስራ ማስጀመሪያ የሚሆኑ ሰባት ሸዶች እንደሚገነቡም አስረድተዋል።

ከግንባታው ጎን ለጎንም በሃገር ውስጥና በውጭ ሃገራት ወደ ፓርኩ ገብተው ማልማት የሚችሉ ባለሃብቶችን ለመመልመል የሚያስችል የመመልመያ ሰነድ ተዘጋጀቶ እየተሰራ እንደሚገኝ ተናግረዋል።

በቡሬ የተቀናጀ አግሮ ኢንዱስትሪ ፓርክ በስጋ፣ በትክልትና ፍራፍሬ፣ በቅባት እህሎች፣ በመድሃኒት፣ የወተትና ወተት ተዋጽኦ፣ የማርና ሰም ማቀነባበሪያ ለሚሰማሩ ባለሃብቶች ቅድሚያ ይሰጣል ተብለዋል።

የፓርኩ መገንባትም የውጭ ምንዛሬ ከማስገኘት አልፎ ለአካባቢው አርሶ አደር ትስስር በመፍጠር ምርትና ምርታማነትን ለማሳደግና የስራ እድል በመፍጠር ተጠቃሚ የሚያደርግ መሆኑን ምክትል ስራ አስፈፃሚው አብራርተዋል።

አግሮ ኢንዱስትሪ ፓርኩ ከ2011 ዓ.ም በኋላ ሙሉ በሙሉ ግንባታው ተጠናቆ ወደ ስራ ሲገባም 60 ከፍተኛ፣ 120 አነስተኛ ኢንዱስትሪዎችን የመያዝ አቅም አለው ተብሏል።

ፓርኩ ከ64 ቢሊዮን ዶላር በላይ ወጪ የሚደረግበት ሲሆን በዓመት 358 ሺህ ቶን ምርት ለሃገር ውስጥና ለውጭ ሃገራት ገበያ በማቅረብ በመጀመሪያው ዓመት ከ14 ቢሊዮን ብር ያላነሰ ትርፍ ያስገኛል ተብሎ እንደሚጠበቅ የኮርፖሬኑ መረጃዎች ያመለክታሉ።

 

ምንጭ፦ኢዜአ

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.