NEWS /

Top

20

ህንዳዊቷ አዛውንት ለ60 ዓመታት በሻይና በውሃ ብቻ ነው የኖርኩት ይላሉ

Thursday 14th of September 2017 09:40:22 AM  |  Fana News

ህንዳዊቷ አዛውንት ለ60 ዓመታት በሻይና በውሃ ብቻ ነው የኖርኩት ይላሉ

አዲስ አበባ፣ መስከረም 4፣ 2010 (ኤፍ.ቢ.ሲ) ህንዳዊቷ የ75 ዓመት አዛውንት “ያለፉትን 60 ዓመታት ምንም አይነት ጠጣር ምግብ ሳልመገብ ነው ነው የኖርኩት” ይላሉ።

ሳራስዋቲ ባይ የተባሉት የ75 ዓመቷ አዛውንት ባለፉት 60 ዓመታት ውስጥ ሩዝም ይሁን ሌላ ጠጣር ምግብ በልተው እንደማያውቁ ተናግረዋል።

“አልፎ አልፎ በሳምንት አንድ ቀን አንዲት ፍሬ ሙዝ በልቼ አውቃለው፤ ከዚያ ውጭ ግን እስካሁን በሻይ እና በውሃ ብቻ ነው እየኖርኩ ያለውት” ብለዋል።

ሳራዊቲ ከ60 ዓመት በፊት የመጀመሪያ ልጃቸው እስከሚወለድ ልክ እንደሌላው ሰው ትክክለኛ አመጋገብ ሲጠቀሙ እንደነበረ የሚናገሩ ሲሆን፥ የመጀመሪያ ልጃቸውን እንደወለዱ ግን በታይፎይድ ኢንፌክሽን ይጠቃሉ።

በጊዜውም ምግብ በሚመገቡበት ጊዜ ሆዳቸው አካባቢከፍተኛ ህመም የሚሰማቸው ሲሆን፥ ህመሙን ፍራቻም ምገብ መመገብ ያቆማሉ።

ከረጅም ቆይታ በኋላ ሻይ በመጠኑ መጠጣት የጀመሩት ሳራስዋቲ፥ የምግብ ፍላጎታቸው ግን ዳግም መመለስ እንዳልቻለ ነው የሚነገረው።

ሳራስዋቲ ምግብ እንዲመገቡ በባለቤታቸው እና በሌሎች ዘመዶቻቸው የተለያዩ ተማጽኖዎች ቢቀርብላቸውም እሳቸው ግን ምግብ አልቀምስ ብለው እስካሁን ቆይተዋል።

“በሻይ እና በውሃ ብቻ መኖር ይስማማኛል” ያሉት አዛውንቷም እስካሁን በዚሁ መልኩ ኖሯቸውን እየገፉ ነው።

ምንጭ፦ www.odditycentral.com

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.