HEALTH /

Top

20

ጡት ማጥባት ልጆች አትክልትና ፍራፍሬ መመገብን እንዲወዱ ያግዛቸዋል-ጥናት

Monday 4th of September 2017 08:35:08 AM  |  Fana Health

ጡት ማጥባት ልጆች አትክልትና ፍራፍሬ መመገብን እንዲወዱ ያግዛቸዋል-ጥናት

አዲስ አበባ፣ ነሐሴ 29፣ 2009 (ኤፍ.ቢ.ሲ) ህፃናት አትክልትና ፍራፍሬ እንዲመገቡ ማድረግ የብዙ ወላጆች ፈተና ነው።

ሆኖም ሰሞኑን ይፋ የሆነ አንድ ጥናት ባወጣው መረጃ ህፃናቱ አትክልትና ፍራፍሬ ምግቦችን እንዲወዱ ጡት ማጥባት ወሳኝ ነው ብሏል።

መሰረቱን በፊላደልፊያ ያደረገው የሞኔል ኬሚካል ሴንስ ማዕከል አጠናሁት ባለው ጥናት፥ ልጆች ጡት እንዲጠቡ ማድረግ በወተቱ አማካይነት አትክልትና ፍራፍሬ መመገብን እንዲወዱ ያግዛቸዋል።

ህፃናቱ የሚታኘኩ ጠጣር ምግቦችን መመገብ ሲጀምሩ፥ የአትክትልት ምግቦች ጣዕም ሊከብዳቸው እንደሚችል ጥናቶች ይጠቁማሉ።

ሆኖም ጡት የሚጠቡ ከሆነ ጣዕማቸውን ለመላመድ ቀላል አጋጣሚ ይሆንላቸዋል ነው የተባለው።

ማንኛውም ህፃን ጣዕምን የመለየት ችሎታቸው በጣም ከፍተኛ ነው።

ታዲያ ጠጣር ምግቦችን መመገብ በሚጀምሩበት ወቅት ምግቡን የመውደድና የመጥላት አንፃራዊ ባህሪያቸው፥ በእናቶቻቸው አመጋገብ እንደሚወሰን የጥናቱ መሪ ጁሊየ ሜኔላ ይናገራሉ።

ተመራማሪዋ እንደሚሉት የእናቶች የጡት ወተት ለልጆች የአትክልት ምግብችን መላመድ ዋነኛ ሚና አለው።

በተለይም ሴቶች በእርግዝናቸው ወቅት አትክልት የሚመገቡ ከሆነ የጡት ወተታቸው ፈሳሽ ይዘትና ጣዕሙ የአትክልቶቹን ንጥረ ምግብ ጣጥም የያዘ ነው።

ይህም ህፃናቱ ተወልደው ጡት እየጠቡ ምግቦችን መመገብ ሲጀምሩ፥ ለመመገብ የሚከብዷቸውን እንደ አትክልትና ፍራፍሬ ለመላመድ ምቹ አጋጠሚ ይሆንላቸዋል።

ተመራማሪዎቹ ጥናታቸውን በ97 ወላድ ሴቶች ላይ የሰሩ ሲሆን፥ ከካሮትና ሌሎች ፍራፍሬዎች የተዘጋጁ ጨማቂዎችን እንዲጠጡና አትክልቶችን እንዲመገቡ አድርገዋቸዋል።

ከዚያ በመቀጠል ህፃናቱ እያደጉ ሲሄዱ ለአትክልትና ፍራፍሬ ምግብ ያላቸው ፍላጎት ምን ያህል እንደሆነም በምርምራቸው ዳሰዋል።

ሴቶቹ በአምስት ቡድን ተከፍለው እንዲመገቡና ጭማቂ እንዲጠጡ የተደረገ ሲሆን፥ የጀመሩበት ጊዜም ልጆቻቸው የ2 ሳምንት፣ የ6 ሳምንትና የ10 ሳምንት እድሜ ያላቸው በሚል በተለያየ ጊዜ ነው።

ከአምስቱ ቡድን ውስጥ አንዱ ጭማቂ የማይጠጡና አትክልት የማይመገቡ ሴቶችን በጥናት ተለዋዋጭ ናሙናነት አካቷል።

በዚህም መሰረት እናቶች ልጆቻቸውን እንደወለዱ ወዲያውኑ አትክልትና ፍራፍሬ በመመገብ፥ ልጆቻቸውን ጡት ቢያጠቧቸው ተመራጭ መሆኑ ተጠቁሟል።

ይህም ልጆች ምግብ መመገብ የሚጀመሩበት ወቅት ላይ ሲደርሱ ጠጣር ምግቦችን የመላመድ አቅማቸውን ከፍተኛ ያደርገዋል ነው የተባለው።

ምንጭ፦ ኢንዲፔንደንት

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.