HEALTH /

Top

20

የታዳጊዎች አካላዊ እንቅስቃሴ ከ60 ዓመት አዛውቶች እንቅስቃሴ ጋር ተመሳሳይ እየሆነ መጥቷል - ጥናት

Friday 16th of June 2017 09:40:45 AM  |  Fana Health

የታዳጊዎች አካላዊ እንቅስቃሴ ከ60 ዓመት አዛውቶች እንቅስቃሴ ጋር ተመሳሳይ እየሆነ መጥቷል - ጥናት

አዲስ አበባ፣ ሰኔ 9፣ 2009 (ኤፍ.ቢ.ሲ) የአሁን ጊዜ ወጣቶች የአካል ብቃት እንቅስቃሴ መጠን አዛውንቶች ከሚያደርጉት ጋር ተመሳሳይ መሆኑን በቅርቡ የወጣ ጥናት አመልክቷል።

በአሜሪካ ባልቲሞር የተካሄደ ጥናት እንደሚያመለክተው የታዳጊ ወጣቶች የአካል ብቃት እንቅስቃሴ መጠን ከጊዜ ወደ ጊዜ አሳሳቢ በሆነ ደረጃ ዝቅተኛ እየሆነ መጥቷል።

በአሁኑ ጊዜ አንድ የ19 ዓመት ወጣት የሚያደርገው አካላዊ እንቅስቃሴም የ60 ዓመት አዛውንት ጋር ተመሳሳይ መሆኑን ነው ጥናቱ ያመለከተው።

ከ50 እስከ 75 በመቶ የሚሆኑት ታዳጊ ወጣቶች አንድ ሰው በቀን ውስጥ ማድረግ አለበት ተብሎ የተቀመጠውን የአካላዊ እንቅሰቃሴን አያደርጉም የተባለ ሲሆን፥ ይህም ከሰዎች ጤና ጋር ተያይዞ በዓለም ላይ ከፍተኛ ስጋት የሚፈጥር ነው ተብሏል።

በጆን ሆፕኪንስ ዩኒቨርሲቲ ይፋ የተደረገው አዲሱ ጥናት ዝቅተኛ የሆነ የአካላዊ እንቅስቃሴ መጠን ለሰዎች ከመጠን ያለፈ የሰውነት ውፍረት እና ክብደት ምክንያት እየሆነ መምጣቱንም ያመለክታል።

ለወጣቶች አካላዊ እንቅስቃሴ መጠን መቀነስ ደግሞ እንደ ኮምፒውተር ያሉ የቴክኖሎጂ መገልገያዎች እና የማህበራዊ ትስስር ድረ ገጾች ሚናቸው ከፍተኛ መሆኑ ነው የተነገረው።

sedentary.jpg

ተመራማሪዎች ጥናቱን ለማከናወን የሰዎችን እድሜ በ6 የተለያዩ ቡድኖች በመክፈል የተመለከቱ ሲሆን፥ በዚህም ከታዳጊ እስከ አዛውንት ያለውን አይተዋል።

በዚህም ሰዎች ከፍተኛ የሆነ አካላዊ እንቅሰቃሴን የሚያደርጉት እድሜያቸው 20 ዓመት ከሞላ በኋላ መሆኑን የተመለከቱት ተመራመሪዎቹ፥ ልክ እድሜያቸው 35 ዓመት በሚሙላበት ጊዜ የአካላዊ እንቅስቃሴ መጠናቸው በፍጥነት እያሽቆቆለ መምጣተነ እንደለዩ ገልጸዋል።

ተመራማሪዎቹ የታዳጊዎች የአካል ብቃት እንቅስቃሴ በእድሜ ከ40 ዓመት ከሚበልጧቸው ሰዎች ጋር እኩል ሆኖ መታየቱ እንዳሰሰባቸውም አስታውቀዋል።

የዓለም ጤና ድርጅ እንደሚመክረው ከሆነ አንድ ሰው በቀን ውስጥ በትንሹ ለ60 ደቂቃ ያክል ከመካከለኛ እስከ ከፍተኛ የአካል ብቃት እንቅስቃሴዎችን ማድረግ አለበት።

በዓለም ላይ ካሉ ህጻናት 25 በመቶ ወንዶች እና 50 በመቶ ሴቶች የዓለም ጤና ድርጅ ያስቀመጠውን መስፈርት አያሟሉም።

እድሜያቸው ከ12 ዓመት እስከ 19 ዓመት ያሉ ታዳጊዎች ላይ ደግሞ የዓለም ጤና ድርጅ ያስቀመጠውን መስፈርት የማያሟሉ አሃዝ ለወንዶች ወደ 50 በመቶ እንዲሁም ለሴቶች ወደ 75 በመቶ ከፍ ብሎ ተመዝግቧል።

የጥናቱ ጸሃፊ ቫዲም ዚፑኒክ፥ የታዳጊ ወጣቶች የአካል ብቃት እንቅስቃሴ አሳሳቢ በሆነ ደረጃ እየወረደ መጥቷል፤ አንድ የ19 ዓመት ታዳጊ ወጣት የሚያደርገው አካላዊ እንቅስቃሴ የ60 ዓመት አዛውንት ከሚያደርገው ጋር ተመሳሳይ ነው ይላሉ።

በዚህ ላይ ትምህርት ቤቶች መስራት አለባቸው የሚሉት ቫዲም ዚፑኒክ፥ በየትምህርት ቤቱ የሚገኙ ህጻናት እና ታዳጊዎች በቂ የሆነ የአካል ብቃት እንቅስቃሴ እንዲያደርጉ ሁኔታዎችን እና ተጨማሪ ክፍለ ጊዜዎችን ማመቻቸት አለባቸው ብለዋል።

የዓለም ጤና ድርጅት ያወጣው ሪፖርት ህጻናት፣ ታዳጊዎች እና ወጣቶች በቂ የአካል ብቃት እንቅስቃሴ ላለማድረጋቸው ቴክኖሎጂን እና የማህበራዊ ትስስር ድረ ገጽን ተጠያቂ ያደርጋል።

ምንጭ፦ www.dailymail.co.uk/health

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.