HEALTH /

Top

20

የሰውነትዎን ጤንነት መጠበቅ የሚያስችሉ የባለሙያ ምክሮች

Monday 16th of October 2017 02:30:06 PM  |  Fana Health

የሰውነትዎን ጤንነት መጠበቅ የሚያስችሉ የባለሙያ ምክሮች

አዲስ አበባ፣ ጥቅምት 6፣ 2010(ኤፍ.ቢ.ሲ) አብዛኛዎቻችን የእግር ጉዞ ማድረግ የተሻለ እና የሰውነት ቅርፅን ለማስተካከል ብቸኛ መንገድ ነው ብለን እናስባለን።
በዚህ የተነሳ ብዙ ሰዎች ሌላ እንቅስቃሴ ማድረግ አይፈልጉም።

በሃርቫርድ የሕክምና ትምህርት ቤት የመድኃኒት ባለ ሙያዎች እንደሚሉት ከሆነ የሰውነት ቅርፅ ለማስተካከል ረዥም የእግር ጉዞ ከማድረግ ባሻገር ሌሎች ተጨማሪ አማራጮች አሉ።

እነዚህ አማራጮች ክብደትን በመቀነስ፣ ጡንቻ በማዳበር፣ አጥንት በማጠንከር እና የአእምሮ እና የልብ ጤንነት በመጠበቅ የተሻለ አስተዋፅኦ ያላቸው ናቸው።

ዋና

መዋኘት ሁሉም ሰው ሊሰራው የሚችለው ቀላል የስፖርት እንቅስቃሴ ሲሆን፥ የልብ ምት ፍጥነትን ለማስተካከል፣ በሰውነት ውስጥ ጤናማ የደም ዝውውር እንዲኖር ለማድረግ እና በዕድሜ መግፋት ምክንያት የሚከሰት የአዕምሮ እርጅናን ይከላከላል።

ይህም በተለይ የሪሕ እና በመተጣጠፊያ አካባቢ ችግር ላለባቸው ሰዎች ጥሩ መሆኑን የህክምና ባለሙያዎች ይመክራሉ።

በተጨማሪም በቀን ውስጥ ለ30 ደቂቃዎች መዋኘት የመንፈስ ጭንቀትን እና ውጥረትን ለመቋቋም ይረዳል።

እጅ እና እግርን ብቻ በማንቀሳቀስ የሚሰራ እንቅስቃሴ ( Tai Chi)

ይህ የአካል ብቃት እንቅስቃሴ እጅ እና እግርን ብቻ በማንቀሳቀስ ቆሞ የሚሰራ ሲሆን፥ የሰውነት ቅርጽን ለመጠበቅ እና የአካል ጥንካሬ ለማግኘት የሚረዳ ነው።

በመሆኑም ጠንካራ የሆነ ሰውነት እንዲኖረን ያደርጋል፤ በተለይም በዕድሜ ለገፉ ሰዎች ሚዛን ለመጠበቅ በጣም አስፈላጊ ነው።

CR-Health-AH-Healthy-Tai-Chi-in-Park-03-

ፑሽ አፕ

እያየነው ያለነው ስለ ክብደት መቀነስ፣ የመቋቋም ሀይሎችን ማግኘት እና ሌሎች የሰውነት ጥንካሬ የሚያስገኙ ስራዎችን ነው።

በሰውነት ሙሉ ለሙሉ በመተኛት ሁለት እጆችን መሬት ላይ በማስደገፍ የሚሰራ ስፖርት (ፑሽ አፕ) የአካል ብቃት እንቅስቃሴ፥ ቀስ በቀስ የሰውነት ጡንቻዎቻችንን በማጠንከር ሙሉ ጉልበት እንዲኖረን የሚያደርግ ነው።

ይህን የአካል ብቃት እንቅስቃሴ በማድረግዎ የመክሳት አጋጣሚን እስከ 30 በመቶ ሊቀንስ እንደሚችል ጥናቶች አረጋግጠዋል።

እንቅስቃሴው ሲደረግም በእያንዳንዱ የፑሽ አፕ ዙር የ20 ሰከንድ እረፍት መውሰድ እና ሶስት ጊዜ እንቅስቃሴውን መደጋገም ያስፈልጋል ተብሏል።

maxresdefault_5.jpg

የእግር ጉዞ

በየቀኑ ለ30 ደቂቃዎች ያህል መጠነኛ ርቀት መጓዝ በአንጎል እና በሰውነት ላይ በጎ ተጽእኖ እንዲኖር ይረዳል።

በቅርቡ የተደረገ ጥናት እንደሚያሳየው ከ60 እስከ 88 ዓመት ዕድሜ የሆናቸው ሰዎች፥ በየቀኑ ለ30 ደቂቃዎች ያህል በሳምንት አራት ቀናት በእግራቸው ቢጓዙ የአእምሮ ጤንነታቸውን እና የሰውነት ጥንካሬያቸውን ማዳበር ይችላሉ።

በተጨማሪም ከባድ የመንፈስ ጭንቀት ያለባቸው ሰዎች ለ10 ቀናት በተከታታይ 30 ደቂቃዎች በእግር ከተጓዙ በኋላ በሕመም ላይ ከፍተኛ መሻሻል አሳይቷል ነው ያለው ጥናቱ።

እነዚህ የተጠቀሱት እንቅስቃሴዎች በምናደርግበት ጊዜ አንድ ጊዜ ተንቀሳቅሶ ለረጅም ቀናት ማቆም ሳይሆን፥ በተደጋጋሚ መፈፀም ያለባቸው ናቸው።

ይህን ስናደርግም ሰውነታችን ጥንካሬ እንዲያገኝ ብሎም በሽታ የመከላከል አቅሙን ማሳደግ ያስችላል።

walking.jpg

ምንጭ፦ metro.co.uk

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.