HEALTH /

Top

20

ከቃሪያ የተሰራው የህመም ማስታገሻ መድሃኒት…

Thursday 15th of June 2017 08:50:13 AM  |  Fana Health

ከቃሪያ የተሰራው የህመም ማስታገሻ መድሃኒት…

አዲስ አበባ፣ ሰኔ 8፣ 2009 (ኤፍ.ቢ.ሲ) ቃሪያ የተለያዩ የጤና ጠቀሜታዎች እንዳሉት በተለያዩ ጊዜያት የወጡ ጥናቶች አመላክተዋል።

አሁን ደግሞ ከቃሪያ የተቀመመ የህመም ማስታገሻ መድሃኒት የጉልበት ህመምን በማስታገስ ረገድ ውጤታማ መሆኑ ነው የተነገረው።

ቃሪያ ውስጥ የሚገኝ ንጥረ ነገርን ከቃሪያ ተክል ላይ በመምጠጥ የተዘጋጀው መድሃኒት “ኦስቴኦርተሪቲስ” የተባለ የእግር ጉልበት መገጣጠሚያ ህመምን እስከ 6 ወር ማስታገስ እንደሚችል ተነግሯል።

ህመም ባለበት ስፍራ በመርፌ በመውጋት የሚሰጠው ይህ መድሃኒት በቀድሞ የፐፊይዘር ኢንክ ዋና ስራ አስፈጻሚ በነበሩት ጄፍሬይ ከይንድለር እንደተዘጋጀም ታውቋል።

መድሃኒቱ ለማከም አስቸጋሪ የሆነ “ኦስቴኦርተሪቲስ” የተባለ የእግር ጉልበት የመገጣጠሚያ ህመም ያለባቸው ሰዎች ላይ በመሞከር ተስፋ ሰጪ ውጤት ማሳየቱ ነው የተነገረው።

“ኦስቴኦርተሪቲስ” የተባለ የእግር ጉልበት የመገጣጠሚያ ህመም በአሜሪካ ብቻ 14 ሚሊየን ሰዎች ላይ ተከስቷል።

በመድሃኒቱ ላይ በተደረገው ሙከራም መድሃኒቱን የወሰዱ ሰዎች ለ24 ሳምንታት አሊያም ለ6 ወር በጉልበታቸው ላይ የሚሰማውን ህመም ያስታገሰላቸው ሲሆን፥ ያለ ምንም ችግር ስራቸውን እንዲከውኑ አስችሏቸዋል።

1 ሚሊ ግራም ከቃሪያ ተቀምሞ የተሰራ የህመም ማስታገሻ መድሃኒት የተወጋ ሰው በየእለቱ ጉልበታቸው ላይ የሚከሰተው ህመም በ3 ነጥብ 8 ቀንሶላቸው ታይቷል።

ይህም ለህመሙ የተሰራውንና የህመሙን መጠን በ1 ነጥብ 3 ከሚቀንሰው መድሃኒት ጋር ሲነጻጸር ከቃሪያ የተሰራው መድሃኒት የማስታገስ አቅም ከፍ ብሎ ተገኝቷል።

መቀመጫውን በአሜሪካዋ ማሳቹሴት ቦስተን ከተማ ያደረገው ኩባንያ CNTX-4975 የሚል መጠሪያ የተሰጠው እና ከቃሪያ ተቀምሞ የተሰራው የህመም ማስታገሻ መድሃኒት ላይ ተጨማሪ ጥናቶችን በዚህ ዓመት ሊያደርግ መሆኑን አስታውቋል።

መድሃኒቱ ከጉልበት ህመም በተጨማሪም ለሌሎች ህመሞች ለማስታገሻነት ማገልገል ይችል ይሆን? የሚለው ላይም ተጨማሪ ጥናት እንደሚደረግበት ተገልጿል።

ምንጭ፦ www.dailymail.co.uk/health

 

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.