HEALTH /

Top

20

እድሜያቸው 50 ከሆኑ 10 ሰዎች ውስጥ የአንዱ ልብ በ10 ዓመት ያረጀ ነው - ተመራማሪዎች

Monday 4th of September 2017 01:50:08 PM  |  Fana Health

እድሜያቸው 50 ከሆኑ 10 ሰዎች ውስጥ የአንዱ ልብ በ10 ዓመት ያረጀ ነው - ተመራማሪዎች

አዲስ አበባ፣ ነሐሴ 29፣ 2009 (ኤፍ.ቢ.ሲ) እድሜያቸው 50 ዓመት ከደረሱ ወንድ ሰዎች መካከል አንድ አስረኛዎቹ ልባቸው ከመደበኛው እድሜያቸው በ10 ዓመት ቀድሞ ማርጀቱን አንድ ጥናት አመላክቷል።

ይህም ለከፍተኛ የልብ ድካምና ለጭንቅላት ውስጥ የደም መፍስስ የመጋለጥ እድላቸውን ከፍ ያደርገዋል ነው ያለው ጥናቱ።

የእንግሊዝ የህብረተሰብ ጤና ተቋም በ1 ነጥብ 2 ሚሊየን ሰዎች ላይ የልብ እርጅና ወይም የልብ እድሜ ምርምራ ያደረገ ሲሆን፥ ከዚህ ውስጥ እድሜያቸው 50 የደረሱ 33 ሺህ ወንዶችም ይገኙበታል።

ተቋሙ በወሰደው የናሙና ምርመራ ግኝት መሰረት በተያዘው የፈረንጆቹ ወር ብቻ 7 ሺህ 400 ሰዎች በልብ ህመምና በጭንቅላት ውስጥ የደም መፍሰስ አጋጣሚ ሊሞቱ እንደሚችሉ ትንበያ አስቀምጧል።

የልብ ህመም በወንዶች በኩል ዋነኛው የሞት ምክንያት ሲሆን፥ በሴቶች በኩል ደግሞ በሁለተኛ ደረጃ ላይ ተቀምጧል።

ከልብ ህመም ጋር ተያይዞ የሚመጣ ሞትን መከላከል የሚቻል ሲሆን፥ ከሚሞቱት መካከልም ሩብ ያህሉ ከ75 ዓመት በታች እድሜ ያላቸው ናቸው ተብሏል።

የልብ ጤንነትን ለማሻሻል:-

ማጨስን ማቆም የአካል ብቃት እንቅስቃሴ ማድረግ ክብደትን ማስተካከል ስብ ወይም ቅባት የበዛባቸውን ምግቦች አለማብዛት ጨው በመጠኑ መጠቀም /አለማብዛት/ በቀን ውስጥ በቂ አትክልት፣ ፍራፍሬና አሳ መመገብ የአልኮል ይዘት የሌላቸውን መጠጦች መጠቀም የአመጋገብ መመሪያዎችን በአግባቡ መተግብር ይገባል ተብሏል።

የእንግሊዝ የህብረተሰብ ጤና ተቋም ባጠናው ጥናት ግማሽ ያህሉ ተሳታፊዎች ስለ ደም ግፊታቸው እንደማያውቁ መናገራቸውን ጠቁሟል።

በአሁኑ ወቅት በእንግሊዝ ብቻ 5 ነጥብ 6 ሚሊየን ሰዎች ከፍተኛ የደም ግፊት እንዳለባቸው ቢረጋገጥም ሰዎቹ ግን ስለሁኔታው እስከሚነገራቸው ድረስ አያውቁም ነበር ነው የተባለው።

የብሪታኒያ የልብ ፋውንዴሽኑ ዶክትር ማይክ ናፕተን ሁኔታውን በጣም አሳሳቢ ብለውታል።

ይህ የደም ግፊት የውስጥ ለውስጥ ህመም ትኩረት ተሰጥቶት ታማሚዎቹ ህክምና እንዲወስዱ ካልተደረገ በርካታ ሰዎች በልብ ህመምና በጭንቅላት ውስጥ የደም መፍሰስ አደጋ ሊሞቱ ይችላሉ ነው ያሉት።

ጤናማ ህይወትን መምራት ከተፈለገ በቀዳሚነት የደም ግፊትን ማወቅ ወሳኝ ነው መባሉን የቢቢሲ ዘገባ ያሳያል።

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.