HEALTH /

Top

20

በየዓመቱ በትምህርት ማሳለፍ በአማካይ በህይወት የመቆየት እድልን በ11 ወራት ይጨምራል-ተመራማሪዎች

Monday 16th of October 2017 04:40:09 PM  |  Fana Health

በየዓመቱ በትምህርት ማሳለፍ በአማካይ በህይወት የመቆየት እድልን በ11 ወራት ይጨምራል-ተመራማሪዎች

አዲስ አበባ፣ ጥቅምት 6፣ 2010 (ኤፍ.ቢ.ሲ) በየዓመቱ በትምህርት ማሳለፍ በአማካይ በህይወት የመቆየት እድልን በ11 ወራት እንደሚጨምር ተመራማሪዎች ገልፀዋል።

ከመጠን ያለፈ ክብደት ያላቸው ሰዎች በኪሎ ግራም በህይወት የመቆየት እድላቸውን በአማካይ በሁለት ወር ይቀንሳሉ ነው ያሉት።

በየቀኑ አንድ ፓኬት ሲጋራ ማጨስም በህይወት ከምንቆይበት ጊዜ ውስጥ 7 ዓመት እንደሚያሳጣ ገልፀዋል።

የኤደንብራ ዩኒቨርሲቲ ተመራማሪዎች በሰዎች ዘረ መል ላይ ተንተርሰው በሰሩት ምርምር በህይወት ረጅም ጊዜ ለመቆየት አዲስ መንገድ አግኝተናል ብለዋል።

ተመራማሪዎቹ ከ600 ሺህ በላይ የሚሆኑ ሰዎችን ዘረ መል( DNA) በናሙናነት ወስደው ከፍተኛ ምርምር አድርገዋል።

አንድ ሰው ቢያጨስ፣ ቢጠጣ፣ ከትምህርት ቤት ቢያቋርጥ እና ከመጠን ላለፈ ክብደት ቢዳረግ፥ በሰውነቱ ላይ የሚከሰተውን ጤናማ ያልሆነ ለውጥ ለመለየት ያስቸግራል።

ይህን ያወቁት ተመራማሪዎቹም ጥናታቸውን በተፈጥሯዊ መንገድን በመጠቀም ሰርተዋል።

በጥናቱ ተሳታፊ ከሆኑ ሰዎች መካከል የተወሰኑት በዘረመላቸው ላይ ለውጥ በማድረግ ብዙ እንዲመገቡ ሲደረጉ የወሰኑት ደግም በተቃራኒው ተመድበዋል።

በሌሎች ላይ ደግሞ የዘረመል ለውጡ በማጨስ እና መጠጣት ደስታን ከሚያገኙት እና ብዙ ጊዜ በትምህርት ከሚያሳልፉት የትኛው ቡድን ረጅም ጊዜ ይኖራል የሚለውን ለመለካት ጥቅም ላይ ውሏል።

የጥናት ቡድኑ በሰዎች የህይወት ቆይታ ላይ የዘረ መል ለውጥ የተወሰነ ሚና እንዳለው መረዳቱን ገልጿል።

በተለይም የሰውነት የበሽታ መከላከል አቅምን ለማሳደግ የሚደረግ የዘረመል ለውጥ በህይወት የመቆየት እድልን በ7 ወራት ሲያሳድግ፥ መጥፎ ኮሌስትሮል በሰውነት ውስጥ እንዲበዛ የሚያደርገው ለውጥ ደግሞ ከህይወት ላይ 8 ወር ይቀንሳል።

የዘረመል መለዋወጡ በህይወት የመቆየት እድል ላይ ያለው ሚና የጎላ መሆኑን ደርሰንበታል ይላሉ ተመራማሪዎች።

በጥናቱ ውስጥ የሰዎችን ትክክለኛ በህይወት የመቆየት ርዝማኔን ለማወቅ በፈረንጆቹ ከ1940 በፊት የተወለዱትን ጨምሮ ነው ምርምር የተደረገው።

በህይወታችን ውስጥ አብዛኛውን ጊዜ በትምህርት ማሳለፍም ረጅም ጊዜ እንድንኖር ያስችላል ተብሏል።

 

 

ምንጭ፦ ቢቢሲ

 

 

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.