HEALTH /

Top

20

በየመን በአማካይ በ35 ሰከንድ አንድ ህጻን በኮሌራ ይጠቃል

Friday 16th of June 2017 07:30:21 AM  |  Fana Health

በየመን በአማካይ በ35 ሰከንድ አንድ ህጻን በኮሌራ ይጠቃል

አዲስ አበባ ሰኔ 9፣ 2009 (ኤፍ.ቢ.ሲ) ሴቭ ዘ ችልድረን የተባለው ህጻናት አድን ድርጅት በየመን ህጻናት በከፍተኛ ሁኔታ የኮሌራ ወረርሽኝ መሆናቸውን ገልጿል።

ካለፉት 14 ቀናት ወዲህም በሀገሪቱ የኮሌራ ወረርሽኝ በከፍተኛ ሁኔታ ተዛምቷል ነው ያለው ድርጅቱ፡፡

በየሰዓቱም በአማካይ 105 ህጻናት የበሽታው ተጠቂ ይሆናሉ ብሏል፡፡

የሴቭ ዘ ችልድረን ዳይሬክተር ግራንት ፕሪቻርድ የመን የማህበራዊ ቀውስ ማዕከል መሆኗን ጠቅሰዋል፡፡

በሀገሪቱ ባለው ጦርነት ከፈርንጆች 2015 መጋቢት ወር ጀምሮ ከ7 ሺህ 600 በላይ ሰዎች ህይወታቸውን አጥተዋል፤ 42 ሺህ ሰዎች ተጎድተዋል፡፡

በሀገሪቱ ያለው አለመረጋጋት እና ጦርነት ለዜጎቿ የሚደረጉ ሰብዓዊ እርዳታዎች እንዲስተጓጎሉ ምክንያት ሆኗል፡፡

ከ2 ሚሊየን በላይ የመናውያን ህጻናት ለተመጣጠነ ምግብ እጥረት የተጋለጡ ሲሆን፥ የጤናቸው ሁኔታም እጅግ አሳሳቢ ደረጃ ላይ ደርሷል፡፡

ኮሌራ በውሃ መመረዝ፣ በአካባቢ ንፅህና ጉድለት፣ በማንኛውም ባክቴሪያ፣ ቫይረስ እና ጥገኛ ህዋሶች ወደ ሰዎች ሊዛመት የሚችል ገዳይ በሽታ ሲሆን፥ ወረርሽኙ በየመን ምድር ላይ እንደ ሰደድ እየተስፋፋ መሆኑን ካሮላይን አኒንግ ይናገራሉ፡፡

በሽታው እጅግ በፍጥነት እተዛመተ በሰዓታት ውስጥ ሰዎችን ለህልፈት የሚዳርግ አደገኛ ወረርሽኝ መሆኑንም ያነሳሉ፡፡

በየመን ያሉ የውሃ ማዕከላት ለህብረተሰቡ የሚያቀርቡት ውሃ የተበከለ በመሆኑ፥ ህብረተሰቡ በኮሌራ እንዲጠቃ ከፍተኛ ድርሻ አላቸው፡፡

በመሆኑም በየመን በየቀኑ በበሽታው የሚሞቱ ህጻናትን እና ሌሎች የህብረተሰብ ክፍሎችን ለመታደግ የህክምና ማዕከላትን በቅርበት ማቋቋም፣ የአካባቢ ንፅህናን መጠበቅ እና የውሃ መበከልን ለማስቀረት ጥረት ቢደረግ መልካም መሆኑን ሴቭ ዘ ቺልድረን ጠቁሟል፡፡

ሆኖም በአካባቢው በየሰዓቱ የሚጣሉ ቦምቦች የጤና ማዕከላትን፣ መሰረተ ልማቶችን እያወደሙ መሆናቸው ለበሽታው ምላሽ ለመስጠት እንዳይቻልና ለመባባሱም ሌላ ምክንያት ነው ተብሏል፡፡

አሁን ላይ ሴቭ ዘ ቺልድረን የኮሌራ ወረርሽኝን ለመግታት ከሌሎች ግብረ ሰናይ ድርጅቶች ጋር በመሆን 66 ሚሊየን ዶላር ለመሰብሰብ አቅዶ እየተንቀሳቀሰ መሆኑን ጠቁሟል፡፡

ምንጭ፡-ኢንዲፔንደንት

                   


Save for Later/ በኋላ ለማንበብ ያስቀምጡ
   
Up vote :20     Down vote :0     Ajeb vote :20





    Ajebnew Email

    Subscribe to ajebnew email for daily, weekly and/or monthly feeds and everything worth your time will be right in your inbox!










    WE ARE STORYTELLERS. BE SURE TO NEVER MISS ANYTHING.